::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

03-10-2011, 04:04 AM

جابتني الذكرى على الماضي كتاف
سـجـيـت كــنــي تــونــي مكتـشـفـهـا

سرى بي الهاجس ومريت الاطراف
دوجــت حــول الساعتـيـن بطـرفـهـا

نعـم تـذكـرت الـزمـان الــذي طــاف
غـديـت مـثـل الـلـي عيـونـه طرفـهـا

لي فـي غـرام ٍ فـات كلمـه وميقـاف
لـولا خفوقـي هــام بــك مــا وقفـهـا

اول غـيـابـك قـلــت مـابــي خــــلاف
واليـوم شـف حـالـي غيـابـك تلفـهـا

تجهل جروحي ياللي جروحك خفاف
معـذور لـو قلبـك جهـل مــا عرفـهـا

ياليت مجروح الهوى جرحه يشـاف
لأقـول قـرب مـن جـروحـك وشفـهـا

شفهـا بعينـك كانـك مـن الله تـخـاف
حــاول تـصـلـح غـلـطـت ٍ مقتـرفـهـا

العـمـر لامـنـه خــلا مـنــك يـنـعـاف
فــي حــال والا حــال غـيـر تعرفـهـا

قــدام عيـنـك لــو تطلـعـت وخـــلاف
تلقـى الخفايـا خاطـري لــك كشفـهـا

خايف ومن مثلي معه حق لو خـاف
تـبـعـد ونـفـسـي مـاتـحـقـق هـدفـهــا

ماللهوى عنـدك مواثيـق وانـصـاف
مـاكــنــه الا لــعــبــت ٍ مـحـتـرفـهــا

اليـوم لـو ذكـراك ترجـع بـي خـلاف
محـبـتـك ســيــل الـتـهـايـم جـرفـهــا

,
متعب التركي.