أسيّر خطوتي للي ثمين العرف يشرونه
السلام عليكم ورحمة الله وبركاته
[poem=font=",6,black,bold,normal" bkcolor="transparent" bkimage="" border="none,4," type=2 line=1 align=center use=sp num="0,black""]
سرى ليل القصيد وحرك المعنى لهيب النار=وورقا القلب من فوق المعالق هزت اركونه
سرابي كل هاجوسٍ وانا نازح غريب الدار=يشوف اللي كثير الناس والله مايشوفونه
اذا مني نويت اكتب قصيد وأنظم الأشعار=نظمت اللي مع الايام يبقى كنز وآصونه
وأنا والله ماأخون الخوي ولاأبدي الأسرار=بعد ماقال هذا سر أمانه لاتذيعونه
وعلى درب الكرام اكيد مايتعبني المشوار=اسيّر خطوتي للي ثمين العرف يشرونه
وأبا اشكي ياعبدالله لانك حر نسل أحرار=ابا اشكي من زمانٍ عذب القلب وتعرفونه
ابا اشكي من زمانٍ فيه بوم العش اشوفه طار= وفيه الصقر فالمرقاب كل الناس يرمونه
وابا اشكي من زمانٍ بدّل الوافين بالأشرار= وخلّى كل زيزومٍ يشوف الظيم بعيونه
وابا اشكي من زمانٍ يظهر الرفقه وهو غدار =من اسبابه شقايه زاد وحالي باح مكنونه
وابا اشكي من خوي الدرب اذا منه غدى بوّار= أقص رجليني الثنتين اذا والله يبارونه
وابا اشكي من قطيعة رحم وأيضاً من صدود الجار=وملائكة الله بهذي رسول الله يوصونه
ولو اشكي ولو اشكي زمنّا عنده المعذار=لأنه مالقى ناسٍ بهالدنيا يحفظونه
أبجلس وأكتم العبره ترى مايفيدني التكرار=لأني ماوجدت اللي يوفي الداين أديونه
وبختمها بذكر اللي ينزل غيثها مدرار= ألــه الكون فالأسحار كل الخلق يدعونه
[/poem]سيف السعيدي
| التوقيع |
|
 [poem=font=",5,black,bold,normal" bkcolor="transparent" bkimage="" border="none,4," type=0 line=1 align=center use=sp num="0,black""]
حنا هذيل العز وهذيل الأمجاد=أهل المكارم والرؤوس العليّه
اللي بيوم الحرب مانطلب انجاد=من رؤوسنا ناخذ ونعطي الحميّه
عز القطير وللعداء سم الأكباد=نارد حياض الموت ورد الضميّه
ياناس انا ماهمني دوم الأبعاد=لو كنت ساري ليلةٍ سرمديّه
همي مقابل صاحبي ضد الأضداد=راع الوفاء راع اليدين السخيّه
[/poem]
سيف السعيدي
|
|