يارفيق الذات منت برفيق ولا خـوي
كان ماتكسر ضلوعك وصدرك تشعلـه
أحسبنك يانبض حرفي تجوع وتنكوي
لين شفت أن القوافـي دروب مهملـه
وان فقدتك والخطا منك عذره مرتوي
جيت تاخذني لغيب السنيـن الممحلـه
بعثري ياغربة الطرس بوح المهتـوي
كيف يظما من عروقه ويروي مقتلـه
وانشدي عن عاتيات الزمان الفوضوي
كل ماباتـت مراقيـه حـدر لاسفلـه
صاحبي واقصى الحنايا لظلمك تحتوي
وانت ترميني بكبد الطعـون الموغلـه
أتفيـا بـك وقلبـي تناهـيـد ودوي
نتزعته لاول المـوت والمـوت أولـه
واتجاهل بك زماني وحيـل الله قـوي
ضعت من شي تعرفه وشـي تجهلـه
آه كيف الدمع يرقا العيـون وينـزوي
ماقويت اخفي مواريه وازريت اسبلـه
مابقا لي صوت والصدر ضيقات بدوي
كل ماهامـت يمينـه زمانـه يخذلـه
يطوي سنينه ورا اللال والبيدا طـوي
لين صارت خطوة القاع ذل ومهزلـه
ومن غدا مقبل حياته وموته مستـوي
مافرق في وسط عينه رضاه من زعله
,
ابعاد التركي