تدرين ويش آخر أحوالي
وإلا نسيتي كما العاده
البارحه ، جيتك لحالي
وضلوعي لراسك وساده
هو حلم، كفنته أمالي
بس أنتثر فيني عنــاده
نسج لك خيوط مـوالي
ياموطني..سكر زيادة
ويا حالي اشره على حالي
حُبه سرا .. نار وقاده
من جال تاريخي وجالي
بيت الشعر ناحت اوتاده
يا عمي إشره على خالي
ذكره عادته... وأمجـاده
وإن شفت ذود التعب سالي
لا يسري (الهم) بعقاله
ولا تنشد الناس عن حالي
أقراني إسطور ..منقاده
وإن ما عرفت أول أجيالي
أسمعني في صوت "مياده"
علي فكسه