::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

04-01-2011, 03:20 AM

الكــل يبكيــها

خــايف عليها من الثرى غطاها ..**.. وإلا الحــصى حـافيه أخاف أذاها..

أكـرم عليها بالكفن يامطوع ..**.. بالـــبيت ظل فراشها وغطاهـا..

أكـرم عليها بالكفن هـذي ( أمي ) ..**.. وأشهد عليها بـما عطت يمناها..

هـذي الـضحى والليل يتحرونه..**.. هـذي السمــاء ونجومــها تنــعاها..

هــذي السوالف مثلنا تــبكيهـا..**.. والأرض تنشــد عن أثــر لخــطاها..

هــذي الـكبيره كبر هذي الدنيا..**.. هذي العـظيمه جل من سواها..

أبكي عليها مو نــهار ولـيله ..**.. ولا سـنه تمشي وأعد قضــاها..

أبكي عليها كثر ماشــالتني..**.. وكثر الحنين اللي أختلــط بغنــاها..

وكــثر الاسامي وكثر من ســموها..**.. وكـثر النجوم وكـثر من يرعــاها..

أبـكي عليـها من القهــريادنيا..**.. من لـي أنا..من لي عقـب فرقــاها..

مـن فـتحت عيني ولا خـلتني ..**.. شـوفوا ولـدها بالقبر خــلاها..

هـل التـراب بوجهها ماقصــر..**.. شوفوا ولدها كـيف هو جــازاها..

لــو انــها بـمكاني ماسـوتها..**.. لكـن أعز عيالهاسـواها..

"يــالدووود" شـفها ذابـله جـنبها...**.. أنـا ولدها وحاضر وأفــداااها..

قــطعني هـااك اللي تبي من جسمي..**.. بس الكــريمه لاتجي بحــذاها..

أوصــيك أمـانه قلــها تعذرني..**.. وتكــفى ترووح تحب لي ماطــاها..

أبـيها تغفر لي مثل ماكانت..**.. كل خطوه مني تصــيبها ترضـاها..

يالله عساها بالنعيم الخالد ..**.. وعسى في جـنة عدن سكــناها..

يافضوو هـذا الكــون ياهــو خااالي ..**.. ياضـــيق هـذي الدنيا يامقسـاها..

يامــر طــعم فراقها يامـره ..**.. مانــي مصدق أرجع وماألقــاها..

وشلون اجي غرفتها ماهي فيـها ..**.. وش عذري لسبحتها ومصــلاها

شقول لدولابها وشنطتها..**.. واذا سألني مشطــها وحنــاها

وعباتها ومي زمـزم ومصحفها ..**.. والمبخــره ورشوشــها ودواها

ا الكل في غرفتها متفقدها ..**.. حتى الجــدار مفطر ويرجــاها

الكل يبكيها مهو ناسيها ..**.. يالله صبرني وشلــون انساها

ياليتها ياليتها ماراحت وخلتنــي ..**.. او وســعتلي بـالقبر وياهــا..