::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

04-12-2011, 08:06 PM

الهم مثْل الجـداول بالحشـا جـاري
وعيوني اللي وفـي المـوق يغلبهـا

ليه الخلايق تمووووت وتسبراغواري
ليه الحزن والجمود اللـي يجاوبهـا!

عشرين مع ست ياناشد عن اخبـاري
وسـادي الضيـم ولحافـي متاعبهـا

أشعل فتيل الألم واصبر علـى نـاري
يافزعة الريح ليـن ارسـل هبايبهـا

أضحك تقول البكـا ماينـزل بـداري
وابكي تقول الفرح مـادل صاحبهـا!

واشكي الين الحكي يخجل من اسراري
واسكت ولي كلمـةٍ تغـري مخالبهـا

والخوف طبع الأمان وطبعي اخطاري
ماهمنـي راحتـي ماجيـت ابطلبهـا

الجرح شيٍ قديـم وغرسـه ثمـاري
والجود طبع الألم واصـدق حبايبهـا

الغيم في نظرتي والشمـس بافكـاري
وافراحـي اللـي اصدقهـا واكذبهـا

الليل ستر الهموم وبعضهـا عـاري
والصبح دمعة على حظـي وبحجبهـا

وان ثارت الريح باكداري مْن اقداري
وشلون ابجزع ورب الكون كاتبهـا!؟

دام الصبر حيلتي .. دام الصبر ثاري
دام العمـر دنيـةٍ تفنـى كواكبـهـا

ماتشتكي خطوتي من طول مشـواري
وْلاتهتـوي هقوتـي الا عواقبـهـا

قصيدتي وان سبحتي عكـس تيـاري
في لجة اليـم لـي قصـة وابكتبهـا

حْداي نزف القلم وانشـودة اوتـاري
والقلب عزف الحزين اللـي يعذبهـا

,
هيفاء التميميه