الشعر لا ضاقت الدنيا علي ، بلادي
فيه اسج الرجل واسلى عن همومي ، وألهى
كم مشاعر صادقة تسكن صميم فوادي
لا عجز عنها لساني جاني ووصلها
ماني بشاعر يغني مع لحون الشادي
ويتصنع قصة آخرها شبية أولها
هاجسي وده يهيم ولا لقا له وادي
كل ماتظهر معه بيتين ، ماكملها
لين شفتك يا معانيّ البكر وامدادي
يا قصيدة ماهي بحاجة من يعدلها
مرحبا والبن بني والقناد قنادي
مرحبا يا اكمل بشر في دنيتي بأكملها
من عشقتك قمت اشوف ان كل مذهل ، عادي
لو تقول انسج خيوط الشمس قلت ازهلها
إيه عايدني ليا شفتك يا اعز اعيادي
( عيدك مبارك ) ليا مريت قلبي ، قلها
وقل لحسادك تجي وتروح مع حسادي
تنشغل عنا ، لا تشغلنا ولا نشغلها
اقطف النسرين والنرجس وغيض الكادي
الورود تضيق لا جيت ويغار اجملها
واترك همومك معي يا موتي وميلادي
خلها في صدري من آخفها لـاثقلها
لاني احبك ولامن غبت قمت انادي
كل يوم وكل ليله معك ، واغازلها
وكان ماصدقتني يا غايتي ومرادي !
اسال عيوني ، ولا جيت الضلوع ، اسالها
شوف كم مره حزنت ، وكم حداني حادي
وشوف كم فكرة قصيده مقدر اكملها !
. . . . . محمد المسعري