مواليف وضح ٍ كنهـا وضحـى بـن عبّـاد ،،، لا شـافـهـا راعـــي الـدبــش طــيــرت شـبـلــه
تواغـض مـع الريضـان كنهـا خيـام أسـيـاد ،،، لـونـهـا بـعـيـد ٍ بـــادي الـرجــم تـقــرب لـــه
أو حــمّـــى مـغـاتـيــر ٍ مـقـاديـمـهـا شــــــراد ،،، هـريــب الـسـحـاب الــلــي تـوالـيــه منـسـبـلـه
قـبـلــهــا لـــيـــا مــــــن الــمــنــاره ســنــاهــا زاد ،،، قبل الاشهب المرشوش لا فضوا اصطبله
عنـقـا مــارق ٍ نسنوسـهـا سـدوهـا منـقـاد ،،، مـــــع طـــــول خـدتــهــا خـراطـيـمـهــا ســبــلــه
شـنــاح ٍ طـفــوح شبـلـهـا دايــــم ٍ خــــدّاد ،،، لونـهـا مــع ذود ابــن عـمــي خـذيــت ابـلــه
لا ضـاقـت براعـيـهـا الوسـيـعـه بـكــل بـــلاد ،،، يـحـوّم و كـبــده مـــن هـــل الـمــدن منـدبـلـه
لا منـه نطحهـا عـصـر و لا هـجـد مهـجـاد ،،، لــيــا شـافـتــه قــامـــت تـــــرازم تــرحـــب لـــــه
هـــذي تنـطـحـه تـبـغـى تقـبّـلـه جــــد عــمــاد ،،، وهـذي تنهـب شماغـه و هذيـك تلـعـب لــه
و الله مـا يهنـي مـن حكـم عاصمـة بـغـداد ،،، الـلـي لــه مزامـيـر الفـخـر تـضــرب الطـبـلـه