::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة - مســــــــــــــــــــــــــــــــــــــــــــــــ ــــــــاحه خاصه ..{ لمسـات انثى}:,..

04-27-2011, 04:02 AM

ما تغيَّر شي . . . لكن ! صار " فاضي " هالمكان .!

يعني إنتَ شفت قلبي ؟ طحت مِنْ عيني و / عينه =(

ليه مستغرب كلامي ؟؟ وليه أعطيك الأمان ؟؟

وليه تَكْذِب في كلامك ! العذر وينك و وينه ؟

ما ألومك .. كان " قلبك " ثارت أمواجه و / خان
الخطا منَّي , لأني . . . : صرت في بحرك ( سفينه )

والسؤال اللَّي كتمته ..؟ وما نِطَق فيه اللسان
{ كيف إيدك إطعنتني وآنا أحْسِبْهَا أمينه ..؟ }

جرحي .. ما يرضيه قلبك .. لو يجي كلِّه حنان !
لو تبوس الجرح فيني . ولو ،، تقبّلْهَا إيدينه .

يُوم أحبك ؟, قلت كلمه : ( يكرَم المرء أو يُهان )
وإنتَ قلبي ما كرمته ! وما قدرت إنِّك [ تهينه ]

عزِّتي .. ما هي جديده آنا " شامخ " من زمان
إغسِل إيدك من رجوعي .. وروح , يا إبن اللذينه

طاب خاطر قلبي منِّك . . . وهذي الفرقى رهان
حتَّى لو قلبي يحبك . / - ربِّي . . بفراقك يعينه !

تدري لما قلت أحبك ؟ قلت .. وما عندي ضمان .
وإختياري كان ( خاطىء ) تجربه بالحييييل شينه

كنت تخطي .. وكنت أسامح .. مرَّه : مرتين : وثمان !
أدمَح الزلّه عشانك .. وأكتِم أنفاس .. الغبينه

كنت أحبك كنت أعزّك والغلا فيني جبان
خاف تزعل لو , ألومك , ضعت ما بينك وبينه

في عيون الناس " عادي " بس في عيني / جنان
وكان قلبي من يشوفك تفضحه . . نظرة حنينه . .

ماني أوَّل من يحب .... ومنتَ آخر شخص

.... خان !

المحبه في زمانك ؟ بحرها من غير مينأإ

الفشل .. كان النتيجه وأعتقد آن الأوان ,
أبني مستقبل حياتي .. و أنسى قصتنا الحزينه .!

خطوتي الأولى ( غيابك ) راح أطبّقها عشان :
" يبكي قلبك لا فقدني والندم .. يملي سنينه "

جاي تسأل عن مكانك !! هو { بقى فيني مكان ؟ }
الله يرحمها المشاعر . . . اللي كانت لك رهينه .!

قلت لك قلبي [

مدينه ] فيها لك :: حشمه وشان ::

لكن إنتَ الحين \ أغرب .. شخص ! في هذي المدينه !