::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة - مســــــــــــــــــــــــــــــــــــــــــــــــ ــــــــاحه خاصه ..{ لمسـات انثى}:,..

04-27-2011, 04:23 AM

اكذب علي في كل حاجه عدى شي=
لاتقول احبك وانت تكذب عليّه
مدام احبك حب طاهر من الغي=
ليه الغدر ياظالمي والاذيه
عطيتك احساس الغلا واكثر شوي=
باصدق مشاعر داخل القلب حيه
ارخصت لك حالي وماتملك ايدي=
وسلمت لك روحي وقلبي هديه
وصّلت لك حب عن الناس مخفي=
ماوصله بوزيد للعامريه
خليت ليلك شمعة تشتعل ضي=
ولعتها من روس اصابع ايديه
نارا تنور لك وبالبرد تدفي=
وبالصيف لك برد وسلام وفيه
وانته ولا حتى عن الشوق تدري=
حسبي على اللي شعل النار بيه
جازيتني بالكذب ظالم ومخطي=
خطية ياكبرها من خطيه
انا الوفاء كله وكل الوفاء في=
مافيك ربع اللي من الصدق فيه
مايجتمع بالحب مقبل ومقفي=
ولايجتمع بالحب حسنه وسيه
ولاعاش من يجرح شعوري وانا حي=
بدري عليك انته وعشره وميه
للشاعر // عبد الله الرقاص