::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

06-01-2011, 10:44 PM

أنا بتكلم بالعامية الحاجه الأولى أول شئ احمدوا ربكم يالحريم أنكم ماتسوقون أقسم بالله أنكم في نعمه لن اللي ماجرب الشئ مايعرفه وتقولون ليه آبائنا واخواننا لما نقول ودنا السوق يقول بعدين ويرفض أو أي شئ سواء سفر أو غرض ...إلخ والله أن الرجال ( تافلين العافيه ) من السواقه وأنتم تعرفون هالشئ وأنتم يالحريم تروحون للغثا والبلا بأرجلكم ؟؟

الحاجه الثانية مسألة السواقه بالمختصر المفيد شر على المجتمع وبتسبب لنا لبلاوي مايعلمها إلا الله اول شئ ضررها أكثر من نفعها ثاني شئ الحين أننا نمر بوقت مايعلم فيه إلا الله الناس ماعاد في قلوبها إيمان مثل أول والناس كثرت والمشاكل كثرت وأنتم تشوفون الحين كل القنوات الفضائيه قنوات فاسده فيها من المسلسلات والبرامج الفاسده اللي أفسدت عيالنا وحنا الحين رادعنا النظام كيف لو ساقن الحريم والله أن الطاسه لتضيع وأن تصير قضايا ومشاكل لاتعد ولاتحصى وان ينفلت الحبل الحين السوق تشوفون بعيونكم يعاكسون كيف لو ساقت الحرمه في الشارع وتروح وتجي ولا تروح مشوار بعيد ولا في ليل ولا غيره ؟؟ بعدين اتركوا هالخرابيط لما يقولون أعطوا البنات ثقه ومدري ايش والله لو تعطيها ثقه من هنا لبكره ماراح تنفعها وش بتنفعها الثقه والله لو تروح مشوار ويحدونها شباب على الطريق هالك الحين خل تنفعها ثقتها حنا شعب مااعترف بالنظام كيف ثقة بنت ؟؟ ، وهل كل الناس عقَال ؟؟ بعضهم البنات فاسدات ولو تسوق دورت البلا بيدها والشباب بليقون القياده فرصه حلوه . وعلى فكره ولله الحمد الشعب كله رافض فكرة قيادة المرأة ولاهي حاصله بإذن الله

آسف على الإطالة وعساكم تفهمون شئ من كلامي