رد: فكرة برج المليون رد .............!!!
آخر ما كتب الشاعر عبدالله علوش
الجفى محتوم والوصل احتمال
لاجديد وحكمة الله والنصيب
اول ايام المعرفه راس مال
وعقبها ماظن ظن والا ويخيب
هذي حالة كل ربات الجمال
ماروى منهن بعيد ولا قريب
صدقيني كل من قبلك مثال
اسأل مجرب ولا تسأل طبيب
كل ليل ومركب اشواقي بجال
مايعيش السندباد الا غريب
وما يقول من البيوت الا الجزال
وما يحب من الجمال الا العجيب
وانتي ما يحتاج للوصف افتعال
والسوالف لو تودي ماتجيب
جل من سواك واقع لا خيال
قاتلة مغرم وملهمة الاديب
خلي للحلوات فالدنيا مجال
اما موتي والا شوفيلك حبيب
كل يوم يرددن نفس السؤال
ليمتى يارب ننطرها تغيب
اما عن حال الشباب وما يقال
في نعيم الحب والا فاللهيب
من عرفلك صد عن وجهك وقال
جعلها يالله في بيت النسيب
ومن جهل جرته نفسه للوبال
تكثر الهقوات فالغصن الرطيب
والا انا كم لي وانا طاوي الحبال
ودك الرجال قلبه قلب ذيب
طلت من عذب اللمى ما لا يطال
يغفر الله لي ويستر كل عيب
اشكر الشعر ووسائل الاتصال
ماعلي الا اذا اتصلت اجيب
الف شكرا على ساعات الوصال
والف عذرا واذكريني بالف طيب
دام شمس الكون تعكس لي ظلال
مايعيش السندباد الا غريب
|