حماس
يا مرحبا بك يا الحميّا والهروج مرتبات==الواضحات أدري بها والغامضات أدري بها
شقايق النعمان ما تزهرعلى صمّ الصفاة == والناس قالوا حكمة العرّاف من تجريبها
الحمــيا
دام البقا لك ياحماس الباقيات الصالحات == والي تبري ذمتك يوم القيامه جيبها
انته توصيني وانا ماعاد باقي لي وصات == ودام النوايا صافيه ياطيبها ياطيبها
حماس
مدري المعارك حامية والا حكي ومناوشات .. بس الوكاد إنك بديت حيود عاوي ذيبها
بالله قلي كم صفوفك يوم ناديت: الصلاة .. وموذن الديرة سرى من ضلعها لـشْعيبها
الحمــيا
احيان اقول انك عميل اتسير في كـل الجهـات == واحيان اقول انك حليفـي والرمـوز اتصيبهـا
المشكله ماهي الصفوف اشلون راحت كيف جات == المشكله الشيعه تطالـب فـي البلـد تنصيبهـا
حماس
اضرب ياخي الكايد ترى القوة من الله والثبات .. وإن كحّلت لك عينها بنت الهوى هذري بها
"عمر" عزل "خالد" واطاعه ما يبى شقر العصاة .. والمسلمين اتوحدت شبّانها مع شيبها
الحـــميا
يامسهل الضربه وياصعب الشماته والشتات = =حاول معي في اصلاحها لاتسير في تخريبها
انت تفكر في زمن ياصاحبـي ولا وفـات == احذر ترا سود اليالي حـددت لـك نيبهـا
حماس
أنته تسد اللازم الغصاب يا مال الغنات .. والمنتجة والدبلجة لا يشغلك تركيبها
تنكر جميلي يا بعير الحمل وتمد اللهات .. تمدح وتقدح والرموز بعيد منت قريبها
الحمـــيا
تبغا الصراحه ياحماس انته عليك ملاحظاتا == مالك ومال ادروب تجهلها ولا تمشي بها
مانته محملني جميله ما تسوي هالسـوات == وام الكباير كيف ترحي بك ولا ترحي بهـا
حماس
أجل صباح الخير يا افندم وانا قررت ابات .. وان كان باقي لك دراهم عدها واشري بها
بكره تفقد مزهبك تلقاه سكر من نبات .. والنفس لا تكثر ملامتها ولا تانيبها