من حفلة القصيم الاسبوع الماضي (راشد السحيمي , تركي 2000 , فواز السعيدي)
طاروق مميز بين راشد وفواز :
فواز السعيدي
ياسلام الله سلامٍ يسمعونه حرب منا = والهدف مضمون والمضمون في بيت القصيده
يالسحيمي كل ماجاك الخطر منا ومنا = زاد راسك فالعناد وجبت لك حيله جديده
راشد السحيمي
مرحبا ياللي تسلم عند حرب وحرب حنا = عطني المضمون يافواز والفرصه سعيده
لاتمنا وانت يافواز ماتعرف تمنا = انت لساتك بداية عمر والديره بعيده
فواز السعيدي
ابشر نّا ما جهلنا معرفتكم وابشر انّا = خابرينك يالسحيمي فالحجاز وفي بريده
الجمال الها عيون تدلها وانته جملنا = ليش ودك تحدي الهذلان عن جمة زبيده
راشد السحيمي
السعيدي كل مايطريله الهاجوس غنا = ساعةٍ فوق الحديده ساعةٍ تحت الحديده
يوم شفت جمالكم فيها المعقل والمثنا = قلت طاح الحمل طاح ويفعل الله مايريده
فواز السعيدي
لاتقول ان الفخر بين العرب كنا وكنا = السحيمي من رصيد البنك ماينقص رصيده
انتم اللي ماوصلتو مار حنا اللي وصلنا = الله اكبر يالسحيمي لاتغير فالعقيده
راشد السحيمي
لو نروح الشرق ولا الغرب كنا عند اهلنا = اتخير فالجمل واجيب لك جمله مفيده
ادري انك رحت يوم العيد في بالك تحنا = قالو ان الخط يفرق بك يمين ورحت سيده
فواز السعيدي
ياكبار القوم لو يبعد عملكم عن عملنا = ماطلعتو فالصحافة والمجله والجريده
كلمتك ترجع عليك وتبعد المنقود عنا = كيف يالراس العنيد تعاند الروس العنيده
راشد السحيمي
ماحفرنالك على حيد الطريق ولا دفنا = انتهى وضعك وشفنا دبرة الله في عبيده