سلامتك يالتترو كثير الازارير ..
عبدالله المسعودي
سلامتك يالتترو كثير الازارير * من الرشه اللي تعدم الثوب كله
ولا واوجودي ياجبلنا شمنصير * بعد فان في مرعاه لشاه عله
صالح بن رويجح
سلامة ثيابك ياسليمان ابو زير * بعد مالبست تقول بالثوب خله
جبل مايجليه العواء والتصافير * ويدرك عن صفق الهواء حيد ضله
عبدالله المسعودي
لك الله ماناصل محل الغثابير * ولا قلت للي كبله فرض صله
مروح تدور مع عروض المداوير * مخلي خويك ضيف في جوف حله
صالح بن رويجح
يعرفونك العربان يابو مشاوير * ومنهو هدالله ياليته وا عله
ابا عطيك معذارين والساير يسير * ما روحت ادور خل من شان خله
عبدالله المسعودي
مشاوير نضربها لدهم ٍ مغاتير * ولا نسكن الا وادياً فيه بله
قروشك غدة بين الشيش والتعامير * تبا تطبع البراد والياه دله
صالح بن رويجح
عسى من يبا دوس الوجيه المسافير * يضلي عمى مجنون مما حصله
قروشي حلال اهل الكرم وهل الخير * ولا حطها مثلك لعرقوب فله
عبدالله المسعودي
عسى من يبا ياكل لحوم الخنازير * يضلي كما الخنزير في صورتاً له
تعلمتو الصنعه ودق المسامير * من الخيمه اللي بابها باب فله
صالح بن رويجح
تبا تبعد الشكات ياطير وتطير * وحلقك من الخنزير دائم تبله
ربانا على مذهب وحشمه وتقدير * تدين الرجال بعلم وانته محله
اطيب التحايا
اخوكم بن عادي العميري الهذلي
| التوقيع |
|
كل ماراح واحد راح الاخر طريقه
والشمالي عليه لباس ماهو لباسه
انته ولعة في بشتك وشبت حريقه
وانته راعي وطن والدار تعرف عساسه
عبدالله المطرفي |
آخر تعديل عمر العميري يوم 10-25-2011 في 02:27 PM.
|