رد: ليه الأسى يسري في داخل الوجدانًًًًً ْ~ خاص^_*( الصمت ,, الجريح)
شرهت عتب طوحتها سامريه ..وأنا اتقهوى الليل همً و هوجاس
كم شلتها نخوة وطيب وحميه ..وإن صوبتني قلت لاباس لاباس
وافي واحسب(ن)ألاوادم وفيه ..وإنا اعرف إن الجود والطيب نوماس
لين انتفضت بطعنتين خفيه ..من ناس ماكنت اعتبرهم من الناس
جتني سهوم الغدر منهم هدية ..وانا اتصبر واطرد الياس بالياس
ياماوياما حولوها عليه .. بعض الأوادم ما بها ذره إحساس
نظراتهم ترمي سهوم ألمنيه ..وبـ/صمتهم يحيون لاحزاني أعراس
يجون واحد بس بالفين نيه ..واجيلهم صافي لو البال محتاس
هذا أنـا يديني عليهم نديه . .وبصدق شايلهم على العين والراس
وشلون أجل لو جيتهم بالخطيه ..والله مسلم منهم برد الانفاس
أحاول انسـى والمواجع طريه **واقول يمكن كنت احيان حساس
تحاوشوني والـــنوايا رديه *** ياشينها لاجات لك من اقرب الناس
| التوقيع |
|
 سأرحل يوماً من ... النت ... لأي سببٍ كان ..
أتمنى أن تكون منشوراتي حجة لي لا علي ....
وأن لا أكون قد أسأت لأحد أو جرحت أحد..من غير قصد ...
اذكروني بالخير ...وتذكروا اني بحاجة لدعائكم ... |
|