صفحة الدنيا
[poem=font="simplified arabic,6,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
من اللهفه ومن جرح الغياب ومن غثى الايام = مشاعر قلبي المحروم مكبوته من احساسه
وفيها صوت من كثر الحنين يجاذب الاحلام = صداها غيمةٍ للي يفر الوقت هوجاسه
ونا في صفحة الدنيا كتبت وجفت الاقلام = ومات الشعر من صدة حروفه وسط كراسه
متاهات الحياه ان ما عرفت اسرارها تنضام = ويطويك الشعور اللي يموت الهرج بانفاسه
ترى الايام صندوق العمل يا ساكن الاوهام = ومن لا يحسب حساب العواقب ضاع مقياسه
سلينا لين ملتنا الدروب وتعبت الاقدام = ووجه العمر شاخ وبان شيب الحزن في راسه
وقلبي من معاناة المواجع يشكي الآلام = سراب الزيف في عيني وطعم المر في كاسه
تبوح اسرارنا لليل وتقاسي جروح العام = وينزفها فقير الحال لا جاذبه نسناسه
عساها خير وايام الفرح يا هاجسي قدام = مصير الحظ من ضيقة شعورك يضفي لباسه
تعزيك الحروف الصادقه يا خاطري ما دام = شعورك في ظلام الضيم يضوي كنه الماسه
وخلك في مواجهة الصوادف فارسٍ مقدام = ومن دون الأمل لا تاقف ويثنيك حراسه
ترى لولا الظروف القاسيه ما تبدع الاقلام = ولا ياصل صداها للشعور وينزف احساسه
[/poem]
| التوقيع |
|
|
|