في احد المنتديات الأدبية كان هناك مسابقة اسمها ( تخيـّل) عبارة عن موقف يطلب من الشاعر ان يتخيل نفسه فيه
و مطلوب منه قصيدة خلال 24 ساعة . . .
كان في شهر رمضان . . .
.
.
فيصل بن عباد .. تخيل الاتي :
تخيل انك قمت من النوم .. وجدت نفسك فاقد البصر - اعمى - .. ماذا تود ان ترى / تقول ؟
/
/
يا يمه وين انا وشلون غاب النور ؟!!
. . . . . يا يمه هذي يدك اللي على عيني .!؟.!؟
يا يمه تجهشين و خاطرك مكسور ؟؟!
. . . . . .. . . . انا ماعاد اشوفك ما تشوفيني . . . !
صحيح اني عميت و لا بقالي دور !! ؟؟
.. . . . . .. . . . . . . دخيلك يا بعدهم لا تخليني
الا يا ويل حالي و العمر ديجور
. . .. . . .. . . وش اللي عن نظر عيني يعزيني
يبه و اللي بقالي من سنيني بور
. . . . . . . . . فديتك وش بقى لك من رجا فيني
و انا لو كنت داري ما عليك قصور
. . . . . . . . . . و لكن كيف اراعيك و تراعيني
ابا اشوفك تبادلني فرح و سرور
. . . . .. .. . . . . صباح العيد اهنيك و تهنيني
.
.
.
.
.
تعالوا و افرحوا يا اهل العيون العور
. . . . . .. .. . . . و فرصة تقهروني يا معاديني
و لا ما جبت شور و علم قولوا شور
. . . . .. . عمى ، و انا عمى وش عاد يمديني
عمى لكن بعد شفت و فهمت امور
. . . . . . . .. . و ما شفته من الماضي يكفــّيني
و بقى لي من بقايا الأمس صدق شعور
. . .. . . . . و فراسة مؤمن ْ ، و ذكرى محبيني
.
.
.
.
مصيبة , , , , يا كريم اني بها ماجور
. .. . . . . .. . . و لك الحمد انها ماجت في ديني
و انا رافع يدي يا جابر المعثور
. . . . .. . . . و لا هو مستحيل اشوف من حيني
.
. |