..............................
الآدمي لو همومه دايم مقيمه
من يوم يقبل على الديره يشتتها
والصبح بحر العيون أعلن مراسيمه
على صحاصيح كنّ العشب فرشتها
يقول فل الحجاج ومنزلك ديمه
في ديرةٍ ما تمل العين شوفتها
وشبيت ناري تحت سمرً كما الخيمه
ولقيت كل الآناسه تحت ظلتها
ربيع يغنيك عن بيتك وتصميمه
وأول مكاسيبه الراحه ولذتها
لا لاعك الوقت لا تبحث مفاهيمه
ولّم زهابك ترى للنفس حاجتها
وأخذ من الربع راعي حشمه وشيمه
وأنهج على اللي غلاها من بساطتها
أمّا على موترك ولا على ريمه
أهم حاجه ترد النفس صحتها
صح لسانك يا هشام الهذلي (أبو سعود) ومشتاقون لإبداعاتك وأحديثك ،،،