رد: نساء شاعرات من قبيلة هذيل ...
عدم كتابت الاسماء افقدت القصائد 80% من حلاوتها
انا اريد ان اكتب اليوم عن نورة بنت ثابت الهذيلية وهي من اشهر شاعرات البادية ان لم تكن الاشهر وعمرت كثيراَ وروي عنها الكثير فبقراءت قصيدتها في الشيخ / مقعد بن حدري يلاحظ القارئ ان لا احد يستطيع يأتي بقصيدة نبطية بهذا المستوى فهي تقول
لا بعث ابوهن كلهن العذارا = لو ولدن في كل صبح وعشيه
ولو فحلوهن من جميع الديارا = لاحدِ يجي مثله ولا به حليه
مقعد مثل ضلعِ طويل الجدارا = شاهوق دايم قلته جاهليه
ومقعد لشيخان القبايل شعارا = يابين فعله مثل عيد الضحيه
اما قرن له فارسين كبارا = والا كسر له بارقين ضحويه
فعول مقعد غير ماينتجارا = مقعد زبون اللي يفكه خويه
مقعد مثل ريح النفل والشقارا = في واديِ يبري الكبود الوبيه
فعول مقعد مثل كيف البهارا = وفعول غيره ما لها قابليه
حضور مقعد مشعلِ له شنارا = وحضور غيره شبةِ عايديه
له بندقِ منها القبايل حشارا = وليا حضر بالسيف حطه حنيه
واللي فرق بين الدجا والنهارا = ماركب مثله فوق بنت العبيه
وش انت خابر في الجرد يازبارا = وش انت خابر في نهار الغبيّه
فقد قال احد من سمعها من الشعراء ذلك الوقت ان بها مدح لولد عمها وتقليل من شأن غيره اي انها مبطنة
وسألها احدهم لماذا قالت مقعد مثل ريح النفل والشقارا هل هي عاشقته في وادي يبري الكبود الوبيه وقالت لا قصدي امدح اصله انه اطيب اصل وريحة واشرف من نزل الوادي
وكانت شاعرة وقوية شخصية في زمانها وكان يحبون الشيوخ والفرسان سماع قصائدها واغلب قصائدها يصدقها الله في المستقبل كدعائها على زوجها مطيلق ان يقتلوه خوالها سبيع وفعلاَ بعد يومين غزوهم سبيع وقتلوا زوجها وقصيدتها تقول
عسى مطيلق عند سربة خوالي = في ايمان ربعِ في الخطر ما يفافون
يضرب برمحِ مثل رمح الهلالي = حيث انهم رمايةِ مايزلون
تكفون يالظفران فكوا حبالي = تكفون يالظفران تكفون تكفون
وتزوجت مقبل بن رزيق السيحاني المسعودي النفيعي
ومن قصصها عندهم ان به مولود جديد عندهم واتوا به لنورة في مجلس سعود الدهينة ولما سلمت عليه قالت
ان كان مثل رزيق لا شري ولا ابيع = وان كان مثل جديع ياوجد حالاه
عز الله انه قاعدِ لك على الريع = مدري يسد الريع والا تخطراه
فقال سعود الدهينة معرضك جاه الله لاتكملينها
فهي ترتجل الشعر ارتجال
ولما مات زوجها مقبل بن رزيق ذهبت لخوالها ذوي ركاض من امراء سبيع المشهورين وهي حساسه جداَ فقال لها احدهم واسمه ابن هملول ياهنه
فقالت على السليقة
انا هذيليه يا هن ابن هني = خوالي الغلبا وربعي عزاتي
هناك بن حجنة الى انت متثني = بشمشلِ عقبه تعاف الحياتي
اسمي الى من الجموع اردفني = تعالموا به والنضا موقفاتي
وطلعت ونزلت على قليب من قلبان هذيل اسمه مواليه معها قليل من الماشية ولضعف وضعها صارت نازلة بحيد هذا المورد وفي يومِ من الايام الا والابل الكثيرة والقوم الذين واردين بالابل على هذا العد ووسم الابل وسم الفراريج النفعة جماعة ابن حجنة وهي تعرف الابل عز المعرفة انها ابل الشيخ والفارس الاسطورة شبيب بن حجنة وعرفت انها مأ خوذة فلجأت الى ذلك الجبل واستغربت ان ابل ابن حجنة مأخوذة وبحكم الجيرة والعنوة اخذت تبكي تعتقد ان شبيب مقتول وفي اثناء بكائها والا والفارس الذي اتى كالنجم فعرفت انه شبيب فضرب القوم من النصف وقتل منهم مجموعه وطلع بجانبهم كأنه يتفرج ويتعرف شخص بعينه فانطلق كا لسهم وقتل منهم ماشاء الله فهربوا على خيلهم فلحقهم وعرف ابن هملول فضربه بالشلفا كما قالت نورة اذا هو نصفين ورجع للابل يسقيها من مواليه فعرفت نورة ابلة وفرسه كروش واتته وعرفته بنفسها قال وش رايك يانورة اسالك بالله شفتي مثل هذا الفعل قالت نعم شفت اكبر قال اكيد بتقولين ولد عمك مقعد بن حدري قالت ولد عمي مقعد بن حدري وولد عمك خزام بن مهري قال صدقتي والله يا نورة جزا كلامك هذا تخير في ابلي واخذي نا قتين لك ولورعانك رحمهم الله
يقول شبيب بن حجنة وهو يسقي ابله
حنا ذبحنا ولد بن هملول = على قليب مواليه
كله لعين الفاطر الزعول = نرعى الديار الخاليه
|