عبيدالله المجيريشي
سلام ياقوم(ن) لهابين العرب صيت(ن) وصوت=متميزه عن غيرها بين العرب وصف وصفه
العاصفه قامت تلاعب في شبابيك البيوت=العيب في الشباك والا في الرياح العاصفه
شاعر الوطن
يامرحبا والي لها عمر ومكانه ماتفوت = والي ماحصل له نصيف ونصر حنا ننصفه
العاصفه قدام تشتال العمايم والبشوت = اعرف منين يكون ذاريها قبل ماتوصفه
عبيد الله المجيريشي
ياقبل قبل اليوم وانته في البحر صياد حوت = واليوم مثـل التمـره اللـي بالحـلا متناصفـه
اللي بناله بيـت واهـن مثـل بيـت العنكبـوت = لايحتمي بالبيت من ضرب الرعودالقاصفه
شاعر الـــوطن
حياً لقي قوته وحي امن العرب من غير قوت = راحت تحت كف اليدين العابثه متحاصفه
شوف العرب وانضر وشوف الارض واثمار النبوت = وانضر طوابيراً على خط الخطر متراصفه
عبيد الله المجيريشي
اما تعيش ابعز والا يالمجاهد موت موت=الموت خير امن الشقى والنوم فوق الارصفه
تحمد الله يوم تربح يامنادي توت توت=غيرك يبيع التوت والمنقه بسعر التكلفه
شاعــر الوطن
هرجاً بلا معنى يكفي عنه يارجل السكوت = ماني منزل مستواي لمستوا المتلاصفه
الناس وصلت للفضا وانته تحلم باالفروت = الي ليا وداك ساعه ساعتين تدفدفه
عبيد الله المجيريشي
انااعرف انك يابوماجد من كبيرين البخوت=لكن بعض الناس مايدرون ويش السالفه
امقابل الشاشه على المركا يغير بالريموت=دايم عيونه والسهر ودموعها متوالفه
شاعر الوطن
عند انفجار الطايرات اقرب مكان البيرشوت = موضوع للطيار ماهو للقلوب الخايفه
اهم شي الكبتن الي شاتها في الجو شوت = ماهمنا المتباغضه في الوقت والمتوالفه
عبيدالله المجيريشي
ماتكثر اصحاب البلوت الا على لعب البلوت=والاالنخيل الشامخه تموت وهي واقفه
اسنين اشوف العسكري مسكين في وضع الثبوت=كب الفتى لوشفت رجلين الفتى متخالفه