::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

02-24-2012, 04:09 PM


	المشاركة الأصلية كتبت بواسطة الشيناني


	تقريبا وصلت معلومتك يا ابو جهاد ولكن نحتاج للتفصيل من الواقع مثلاً هل الابتعاث يعتبر منفذ من منافذ الإنحراف ؟ ( ابتعاث للدراسة خارج المملكة والمتربي صح والمتربية صح ما راح يغلطوا دامهم محتشمين وعارفين هما ليش مبتعثين ) فلماذا يحذر البعض من الإبتعاث ؟ أبو جهاد شاكر لك مرورك العاطر وتعليقك الفاخر لك احترامي

حياك الله مجدداً يافيصل

بالنسبه لتساؤلك عن ألإبتعاث وهل هو منفذ من منافذ الإنحراف

نعم هو منفذ إلا من رحم ربي والدليل ( أنا أتكلم عن القطاعات العسكريه ) عندما يتم ترشيح الفرد أو الضابط لدوره خارج المملكه يعطى دوره دينيه يذكرونه بالحلال والحرام وأنه ذاهب

لدوله غربيه على غير الدين الإسلامي وطبايعهم غير وعقايدهم غير من باب الحرص .

والشاب عندما يبتعث من السعوديه لبرى وهو في الأساس خلينا نقول مضيق عليه لا شراب ولا مراقص ولا أمور ثانيه من إلي يتهافتون عليها من يتبعون الشيطان ويلاقيها قدام عينه

وعلى عينك ياتاجر , إيشي بنات وإشي بارات ومراقص تعتقد إنه بيصبر مستحيل يصبر إلا من رحم ربي زي ماقلتلك

مثال من واقع الحياه . المبتعثين عندنا بالقوات الجويه عام 98 هـ راحوا شباب على 18 و 9 سنه منهم من طبح في كل شي ماخلى شي إلا وسواه ومنهم من رجع زي ماراح سوى أنه

أكتسب علم ومعرفه .. كان منهم واحد إسمه محمد رجب الهوساوي ( مسمينه ابو الرجال ) وفعلا والله لشهادة أخوياه إنه ابو الرجال من كلامهم عنه يقولون ماقد شفناه سكران ولا مع

بنت .. إذا عزموه أخوياه في السكن حقهم في إجازة نهاية ألأسبوع يقولون هيا يابو رجب الليله عندنا كذا وكذا يقول إجيكم . ويسحب عليهم السيفون , وإذا جاء بالسدفه لشقه من شقق

أخوياه ولقيهم مخربينها يقول ماعندكم غير الشراب هذا , هذا مايكيفني أبغى شراب أقوى ذلحين أروح اشتري وأجيكم ويسحب عليهم السيفون . زي هذا عصمه الله عن الحرام وراح

إستفاد علم ومعرفه . بينما غيره يوم نجلس في الإستراحه هات ياقصص ومغامرات وووو

الله يسترنا بستره ونا أخوك قل آمين...