الوفاء طبعي ولا احب الـوداع
لا توادعني وتتركنـي حزين
الحـــزن دايــم رفيـق(ن) مايطـاع
كود تضحك له على مر السنين
الشقاء مقسوم والـفرقى ضياع
والدمع سكاب والضحكة ونين
والعمر ماضاع ياها والخداع
كلما غاب القمر عود يبين
لاح في دنياي من عقبك شعاع
والشقاء في الروح بدله الحنين
ودي ارجع لك وجرحي ما استطاع
هلت دموعي على فرقى الضنين
ما اتحمل نظرتك يوم الوداع
ما اتحمل شوفة الدمع الحزين
انت مركب لي وانا وسطه شراع
كيف يبحر وانت من عقبه تشين
مد لي يمناك لا تطري الوداع
بانسى ما قلته على مر السنين
عمري اللي ضاع من شانك يباع
ارخص ايامي ولا اشوفك حزين:(