رد: مقلع طميه
ياقلع قلبي مثل مقلع طميه = ليلة حداها عن هوا ( قطن ) ( عكاش )
لايح لها في الليلة السرمدية = في ضو براقاً معه وبل ورشاش
وانزاع منها القلب زوع المطيه = إن كزها الركاب ناوي بمطراش
واستنهضت قواتها المعنوية = ثم أنتقت صوبه على وجه مغباش
هذا وهي جلمود ضلع(ن) قويه = لكن عشق القلب خادع وغشاش
وش لون حال اللي انكوا له بكيه= بين الضلوع الحانية حرها طاش
سبة هنوف لرمشها صار فيه = شوفت لماها حط بالقلب رعاش
عشق بدوي عاشق هنوف بدويه = لن شافها يظل هشاش بشاش
وإن غاب عنها حالته مأسويه = يمكن يموت وعيشته غبن لو عاش
ياليتني قاطن في ذيك النحية = اللي لها قلبي من الصدر منحاش
واشوفها في كل صبح وعشيه= واسلي الخاطر بنعسات الأرماش
معشوقتي ماهي هنوف آدميه = لكنها عشق الفيافي والأحراش
دار(ن) لها في خاطري قابيله= بالخص لو جاها من المزن مرهاش
وسلامتكم </b></i>
سالم وغاانم وصح لسااانك يابو حمدان وبيض الله وجهك
هيضتني يابو حمدااان بالقصه والقصيده الجزله والعذبه
من شاعر مايجيب الا الجزل من القصيد بأسلوب نابع من القلب
من غير تكلف ولا تصنع ولاتقليد للغير فعلا وجدت الشعر الحقيقي
وطربت كثيرا ومثل هذه القصيده لاتقرا مره بل تقرأ كل مره
اشكرك واتمنى ان نرى المزيد من ابدااعك تحياتي وتقديري لك يابو حمداان
(اعلى تقييم )
|