مافي حماس ولا احد سأل عن هالفاشل بكمل قصتة بسرعة لاني طالع اشتري اغراض وتاخرت !!!
أديسون اللي هو أبوه .. وقال لأمه رقيَه ... إيه رقيَه لا تستغربون ... هاه ياشعرة قلبي وش نسميه ..
ناظرت فيه وهي ترد خصلتها والله يا عين بابي وش رايك نسميه على أسم أخوي محماس ... وتمت التسميه ولكن مع إختلاف
الثقافات صاروا ينادونه ( توماس ) ...
نرجع لشطحات توماس بن أديسون ...
مره حط براسه إلا ويطير ... يعني ليه هالعصفور يطير وانا لا وش ناقصني عنه ( بالله هذا سؤال تسأل نفسك وش ناقصك عنه )
المهم راح عند صديقه مايكل اللي يعتبر بالنسبه له فأر تجارب كل ما فكر يسوي شي جره مع أذنه والمسكين ما غير يدربي راسه
جاب صديقه مايكل وشربه نوع من الغازات عشان يصير أخف من الهواء .. تدرون ليه عشان يرتفع مثل النفيخه وعلى قولة
عيال النعمه والهاي هاي ( البالووونه )
شرب وشرب وشرب من الغازات اللي عطاه أديسون الصغير لين قال للخنزيره ياخاله ..
وقتها حس بآلآم حاده ويجلس يصيح ويبكي وسمعه أبو توماس وجاء ومسك ولده وجلده لين عض الارض وقفل عليه فالقبو ...!!
هالحين بالله اللي يفكر كذا وهو صغير يسمونه غبي ودلخ ولاااااا فوق هذا أصم أجل لو كان طبيعي وش بيسوي ...
وحر قلبي حرااااااه على وراعيننا اللي يسمع السوالف لو بينه وبينه السالفه شارعين ومحطه والمشكله انه يجلس بالطاوله
الاولى وراسه براس المدرس ويسوي فيها انه مركز وفاهم وساحب أم الطاوله وحاشر نفسه وملزقها على صدره ..
وأنواع الأقلام والحركات والالوان ومسوي فيها أنا الولد الذي داافور .. وكل ما مر من عند اللي ورى بآخر الفصل
ناظرهم بنص عين وقال بنفسه ( اللهم أكفنا شر البليدين الداشرين )
وهو لو أحلف أنه ما رفع يده بالفصل إلا عشان يستاذن يبي يروح الحمام هو ووجه اللي كنه سبورة مدرس رياضيات ثالث ثانوي
ولاااااا أزيدكم من الشعر خصله اللي يقهر من قلب .. لا جاء الاستاذ وقال اللي ما حل الواجب يوقف ..
يجلس يتلفت ويناظر ورى يبي يتشمت بعدين يقرب من الدافور اللعين اللي جنبه ويقول له بثقه وغرور :
ترى أنا ما ألعب العصر إلا لمين أحل الواجب ... ويرد عليه اللي جنبه بنفس النبره : وانا بعد مو مثل البليدين اللي ورى ..
آآآآآآآآآآآآآآآآآآآآآآآآآ آآآآآآآآآآآآآآآآآآخ لو ترجع أيام المدرسه لا أمسكهم واتمردس فبطنهم واحدن تلوا الآخر ...
لا تلوموني لأني كنت من الطلاب البليدين وكل يوم أتعرض لحرب نفسيه من الدوافير ... الملاعين ما عمرهم نسوا ولا واجب
ومن زود الدفره مسوين للرياضه دفتر أبو 200 ولا هذاك ابو سلك اللي وانا بالجامعه ماقدرت أشتريه ... لييييييييه من زود الفلوس يعني ..
وانا اللي لو أقول لأبوي ابي دفتر جديد .. يقولي إكتب على سروالك .. والله ما أشتريلك واحد ثاني لين يخلص دفترك
طيب يا يبه دفتري خلص وش اسوي .. وأجلس طول اليوم أصيح عنده لين يجيب لي دفتر ابو 40 حق اخوي السنه اللي فاتت
قطع منه كم ورقه لين صار ابو 18 وجلَده بالتجليده اللي يجلد فيها الدرايش ومسح اسمه وكتب إسمي ...
وهالدوافير كل اسبوع بدفتر ...