ياللي طغيت بقو زينك على الناس
مع أجمل تحية ,,,
[poem=font=",6,,bold,italic" bkcolor="transparent" bkimage="" border="none,4," type=0 line=0 align=center use=ex num="0,black""]
ياللي طغيت بقو زينك على الناس = ياكبر ذنب اللي على الخلق طاغي
تطغى على مَن قلبه أبيض وحساس = وأهداه لك من صان حسنك وصاغي
أكبر حرام تورّده عيشة الباس= ماله امل ينسى ولا عنك باغي
مثلي بعد حمّلته الصبر بالياس= صبر الجمل وان زاد حملة يراغي
عمري قضى بعدك محابر وقرطاس = شعر زلالٍ مالغي فيه لاغي
ذكراك تعميني وانا بين جلاس= تقول ماغيرك جليسٍ وصاغي
الراس بك دايم مهوجس ومحتاس= كنك خلايا الفكر جوف الدماغي
وعذرك !! تقول أني بلا قلب واحساس = لا والذي سواك 00 اسمع بلاغي
سعادتي بعدك إذا كانت تقاس = هي كل ما طيفك لمحتة وزاغي
وإلا أنت لو يزعجك طيفي فلاباس= لاصار واقعنا من أسنين لاغي
لاتشغل أفكارك حبيبي بهوجاس = ريّح ليا مرتك لحظة فراغي
[/poem]
|