http://www.youtube.com/watch?v=aM4PrIZ-D74


عبدالله المسعودي

عيني تخيل أصحابها اللي حيث ما حلو تحيل ** لـــدو لـهــا يــاســواط والا مـابـعــد لـدولـهــا
لو مات مفتون الهوا في ربة الطرف الكحيل ** ما عـاد يسمـع كلمـة المعـروف لـو اتقولهـا

السواط

أن خيلت عينك جميع أصحابها خلـك ثقيـل ** والارض مترها وقيس عرضها من طولها
ولو مات مفتون الهوا مايلتقى مثلـه مثيـل ** لا تحـرق الطبخـه ونكـرهـا ونـكـره دولـهـا

عبدالله المسعودي

انتـه توصينـي نسيـت انـي هذيلـي مـن هذيـل ** الـنـاس عارفـهـا واخاطـبـهـا بـقــد اعقـولـهـا
عسى هذا يخبر هذا بكره محن اصحاب الفيل ** مير انـت بيحـت الحقيقـه قبـل يمضـي حولهـا
السواط

أنا عتيبي من عتيبـه مـن رياجيـل الدليـل ** صورتك لن رحت المصور لايغرك زولها
الليلـه الليلـه نبـي نكسيـك بثـيـاب النبـيـل ** والشمس تبدي والخبر يبدي ولو اتقولها

عبدالله المسعودي

رجلن يدس الما عن الضميان اقول انه بخيل ** وارضي عليها الغيث يمطر ما تسيل اسيولها
لو كلـت زاده مايخلـص عنـك يـا تمـر النخيـل ** والقـوم ماتتعـب علـى شـوك الكـداد اخيولهـا

السواط

ما نشـرب الا مـن زبيـده جمهـا ماهـو قليـل ** تشـرب منـه طليـان بربـر لـو تـهـز اذيولـهـا
اهل المغازي لان غزو ما تحتزم بام الجديل ** يليت بعض الناس ماكان ارسلت مرسولهـا

المسعودي

اطلع ليا راس الجبل وانزل ليا بطن المسيل ** وام الكـبـايـر لا تــدانــي زيـنـهــا بحـثـولـهـا
الطبـع غالـب لتطبـع كيـف اغـيـر مستحـيـل ** الـنـاس طلـعـت للقـمـر ومطـبـلـه بطبـولـهـا

السواط

اطلع على سطح القمر ياطرقيٍ عابر سبيل ** انـتـه بفعـلـك والنـشـامـا بـيـنـات افعـولـهـا
يا سايق الموتر على هونك ترا ليلك طويل ** حاسـب علـى سيارتـك بطلوعهـا وانزولهـا

المسعودي

ودي بخيل ابلا سروج ولا سـروج بـدون خيـل ** لاتـحــرم الاجـــواد مـــن زواد لـيــن اتنـولـهـا
تراك يابن الناس فيك احساس واشعورن نبيل ** والمشكلـه كبـرة علـيـك ولا عـرفـت احلولـهـا