تاصل المقصود
[poem=font="hasan,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
صبرت لين الصبر عدا حدوده =صبراً طويل ولا رحمني زمانه
اللي نسي ربعه ومنسب جدوده=واخذ عيال اللاش عنده بطانه
حتى صغير السن يبحث سدوده=واليا نخيته قام يرطن رطانه
يوعدك بالجزله ويخلف وعوده=ويلفق اعذاره ويطلق عنانه
وفي سبيل الهرج يبذل جهوده=هرجه ثقيل وفي ذراعه ليانه
واليا حداه الوقت ياكل عضوده=يزعل بني عمه ويزعل خوانه
الحر حر ونجدته من زنوده=واللاش لاجاته يوخر حصانه
لو كان عرق الراك يشبه لعوده=وش يتعب الاجواد تحفر مكانه
الناس فيها رجل يذكر بجوده=ورجلاً حياته كل ابوها خيانه
و رجلاً لسانه للمهالك يقوده=ورجلاً يفكه في المواقف لسانه
ورجلاً ذراعه ما يثبّت وجوده=ورجلاً تهاب الناس هيكل كيانه
ياجعلني ما اخذ على الناس زوده=في قلة الطاعه وقل الديانه[/poem]
| التوقيع |
|
ياونتي ونة ضلوع الهلاله شايب قصر شوفه وماتوا عياله تزهد من الدنيا ليا شفت حاله قاصر جدا عما يصيبه ويخطيه عبدالله المسعودي رحمه الله |
|