الفجر والشعر والميدان
ناقف بها وقفة ذيابة
يابن شلية كلامك زان
والقاف جاك اللي غنابه
امير فالشعر له ديوان
وابوبكش ماسمعنابه
تقفي به الريح والهبان
سوات من قفت ركابه
قدام تغزون قوم الشان
قدمك متاهات مرقابه
والسلب ! ياتي من العدوان
ومن خلّف الهم يشقابه
لابارك الله بهم يافلان
ليته لقى اللي تسلابه
ماكان تبشلكم القيفان
والجمر شباب مشهابه
وانت اللي شليت لك حجران
قدمك هدف ضعب مضرابه
لوكان ترحل لامريكان
اعطوك ب و س ا ت حبابة
انت لهم تشعم النيران
شف قايد الريم وش جابه
حبيبي سافر وعاد الان
ان فسّر غياب يدرابه
لكن ماهي على الحجان
سيفي سطى يكشف حجابه
اثرك دعاية بلا عنوان
قدامك رماح حرّابه
في كل غزوة من الهذلان
تلقى الشغاميم منصابة
حنا اللي نسقيك دم انسان
كماك مايملك اعصابه
الا ليا حط كالنيشان
عناه حظه وقفابه
منته بسيّد على المطران
جاك الشعر واعرف كتابه
لو الجنوبي لقى الطغيان
لاترفضه ثم تبلابه
فينا وفيكم وفا واحسان
لو وسطك تعجعج اطيابه
مالك سوى فارس الفرسان
والزرع مقطوف عنابه
راكب على وارد اليابان
اللي مميّز بمشعابه
حتى ليااصطكت العدوان
العب بهم لعبة الطابة
ياللي حفرت القبر مجان
نسّكّنك ماسكنابه
الله يعينك على الاكفان
والشخص قدامه اتعابه
والادمي قبره المسكان
هو من تراب وعلى ترابه
لجل ايش يتكبر الشيطان
من نار والله لنا عابه
وأغواك مافازت الجهنان
قرّاية العلم كّتابه
ياجنيه لن جيت للميزان
منته ذهب معك منصابة
شفتك تبى تراسل الشيخان
واشرح لوضعك مع اطنابه
إن كنت خيمة بلا عمدان
دقوك مسمار باطنابه
وعتيبة تشمّر الذرعان
والبعض قد يكسب اعجابه
الله يلطف بك الرحمن
ان شرعوا جملة احبابه
غاب القمر والجدي ماغاب
دوّر لشي ٍ تلّهابه
قدام تفتك بك النيبان
ماتسلم الضرس مع نابه
هذي عبر عابرة عسفان
وتمرّ خبتك مع هضابه
تجعلك تذكر بلا نسيان
ان الحشن جاك بارهابه
اشكي على منزل الاديان
خاتمها باسلام تهدابه
يابوجعود ٍ كما الكثبان
قلبي معك يكثر اطرابه
دامت قصوره على العمدان
مامر ّ بيته ولا الجابه
اصون نفسي اذا هو صان
والشر يخطيه ماصابه
وان جبت لك علبة الالوان
يظهر حديدي من اخشابه
والله بين العرب كسبان
رغم الزمن زادت العابه
ان جالك السالمي ماخان
مر الحرم يوم صلابه
وانت اذا عدت لللايمان
ابحث عن الفعل واعرابه
اعرف وش الزود والنقصان
لاتكثر اللوم وعتابه
في بدر يوم انزل الفرقان
مافاد للنذل مغتابه
واليوم في صفوة الاوطان
الكل مره وحيابه
دامه غلط مطبعي تعبان
ماجاب للديس حلابه