رد: فكرة برج المليون رد .............!!!
لاترجفي ياملاك ٍ نال كل الطيب
الياهجرتي فؤادي زادت أحزانه
وألم ّ كل ّ القصايد وارجع بتسحيب
سوات ميسي لا سحّب فالمراكانه
الله اكبر على قسوتك في التأديب
ربّيتي قوم القصائد شاغلة خانة
انتي من القلب محور مركز التهذيب
اللي يضخضخ كرّيّاته ب شريانه
وانتي من الراس عين وفالمقدر غيب
وانتي بَرَد من غمام ً تكشح الوانه
ثلاثة سنين وأدرى عنك كني ذيب
لامن نوى بأي مقصد حد نيبانه
جيتك كما ظل من شجْرة تسد السيب
وارف مادام الجذع نسقيه واغصانه
وانتي لي الحب كله جيتك بترتيب
ماني كما كتاب منسي طاح عنوانه
طبعي ما بين الوفا والفعل والتنصيب
ياللي تحَسبين بعض القوم ربحانة
والله لو درت في كل الدول ماطيب
انتي الدوا دام قلبك مُر ّ هجرانه
عودي كما أول بلا تشريق أوتغريب
وابليس لوبصدفه بكويه واعوانه
انتي شبابي وشِعري مايجيه الشيب
دام انتي حرفي وكلماته وبنيانه
ياأغلى من أغلى الذهب لو هو يشق ّ الجيب
فوق المقاييس والناقد وميزانه
عساك في جنة الله في ثمر وعنيب
مابين حور و معيشة طيب مُزدانة
والله يرحم فؤادي في زمان الريب
قفت به المعجزة وأحياه قرآنه
|