رد: فكرة برج المليون رد .............!!!
لاتقولون الجدي والله كما سهيل اليماني
فيه فرق يبان مير القاف نسّاني كلامه
والله انك رجل وافي مانقول انك اناني
مير لاجاك الشويعر جيته تردد سلامه
تغبية للبيّن الظاهر ولكن ماخفاني
إنه يرد الهواجس مير ينعس في حلامه
والله إن الوقت طيّب يالهدان ابن الهداني
لاتحدانا وتفزع لك سعاطير وقرامة
إنت باحث في مدارسك الخصوصية تعاني
وإن نجح تلميذ تعطي له على الدفتر علامه
وإن تخرّجنا كماكم مانريد إلا التهاني
جعل وقت التهنية منا ليا يوم القيامة
صاحيات عيون نصف القوم ياللي ماتداني
اختلط في دهرك الحالي حلاله في حرامه
مايهز اهل المسارح كود رقاصة عٌماني
قادها ساحر عُمان اللي يهوبل في غرامه
ماهقيت إن الحبال تجرها مثل السواني
لين شفت الطرد يلحق شاعر القلطة عدامه
اقصده دامه معدّيها وطرقه ماحداني
دام للديرة غبار يلفها وقت العسامة
مانبى نخلف نظام الكل وأنته قلّباني
يوم تطمع فالشداد ويوم تطمح فالمسامة
انتبه في تالي ايام الزمان الغيهباني
كل من كبّر مُلبّي فالحرم يضفي حرامه
وانت لاتعكس موازين الشعر دامك وزاني
مثل من جاته سيوف الحق من خلفه وأمامه
ماقعد ياكود هجرس ثم هوجس للآذاني
واختلط مااهتم فيه بمايريده واهتمامه
طبعه أكبر من ظنون القوم لاطاوي طواني
جيته أكبر من مطانيخ الجهل وأحشم حشامه
يدخل السيف بجفيره دام مولانا هداني
جعل قلبي يهتني بالحور ثم يأمر غلامه
جنة الفردوس مذكورة ومن أعلى الجناني
والثياب السندسية طقم خامة فوق خامة
ثامن حروف الهجامن عقب عشرين امتناني
ياصلاة الله على محمد وقافي في ختامه
مير ماأختمها ولاأحد ٍ يقدر أن يقطع لساني
لويحدّون السيوف بمكة وقصر اليمامة
توّني بأعجب مباديها بخطّ الأولاني
جدي َ اللي بالثياب وبالعقال وبالعمامة
لو بتحسب من ديار هذيل حدّ اقصر مكاني
لوتعيّنها تبيّنها وحرفك بإنسجامه
لاتقول إن أنت قاضي وإلا مفتي وأمريكاني
أنت شايب طاحت سنونه بقيفان الغشامة
واللي من شونه تعكّز يحكم إنسه وإلا جاني
والشياطين وعفاريت ً تكلّم بالصرامة
وأنت لاتنقص مقامه فاهم ٍ كل المعاني
جاك ساهر فالقصيد يصوّرك واخذ الغرامة
وأنت غنيت بطرب والا عواجة مودماني
جابها المسعودي حرب ولاتجو فيها زلامه
كل من رددّ كلامه عايش ٍ في العمر فاني
لو يرز الخشم فالدنيا يهجّد به عرامه
طاحنين الخصم بإقدام النفوس وبالتفاني
وانتصار اللي براسه ماقبل طعم انهزامه
وأنت بأحزانك غريب ولاتبيع البرتكاني
يمكن يمرّك جحا وإلا أشعب وأبو دلامة
ياسحايب كلها فالحال تسبل فالمواني
كل رجل ٍ فالملاعب يلتقي قدر احترامه
يجتهد بصعود للعليا ولافيها هواني
بل بجودتها تزيدك رمز واثبات وعلامه
مير مثلك لو يحمّي ميسمه لاماكواني
ماهو الدكتور مايعرف ل طب ولاحجامه
والله إن المسلمين بحكم ربي كالخواني
الأخ ُ ينصح أخوه المسلم ويحمي مدامه
ياعرب قلبي الشجاع ومايهدّدنا جباني
لابدى به خيط نصره يفقده دون اغتنامه
والكرامة فوز للإنسان قسوة أو لياني
وكل طفلن من شباب ً لين ياصل لاهترامه
وإن تفرعن في بيوت الشعر يارجال جاني
مادواه إلا يغرّز إذنه بشيح وخزامه
مستوى طيّب ومركزنا هو الأول وثاني
وإن تحدّانا أشهر اهل الشعر يقفي في حطامه
مالحس موسه يكود اللي كفتها فالاواني
قصدي بنه وإلا هيله وإلا كيفه في إلتهامه
أكرم إنسان وتوّلى حكمة رجال ويُعاني
يستمر بمنهج الاخلاق من دون انقسامه
والله الجبّار رب الكون في حكمه ولاني
من رجال ابها المعالي والسيادة والفخامة
ياعساني مُجتهد مخلص بملة ياعساني
يكتمل إيمان قلبي قيس بدر ً في تمامه
مانبى ضرب وبقوس ولايثور التايواني
من بعد قوم السياحة والوجيه اللي قدامه
آخر تعديل شباب يوم 10-04-2012 في 09:13 PM.
|