إلتفاتت ضبي
[poem=font=",7,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
البنت مزيونه ولافيها كلام = وقفه وشبحه وإلتفاتت ضبي
تمشي على هون وتلفت بالأنام = كنها تبي تحرق بلوفك ياصبي
والشاهد الله مالي ومال الغرام = ولا أنحنا في يوم لجله منكبي
ترددت في خاطري قولت سلام = وزاد البلا عيت تطاوعني اركبي
قالت ترى الليل الموشح بالظلام = يستر كلامك بس قلي وش تبي
قلت الفضول إلي مزوده اللثام = لا ريح أقليبي ولا جاب أطلبي
قلبي على كفي وأقول الدرب شام = ولا حسبت أحساب جهدي واتعبي
مدام أبظفر بعد جهدي بالسنام = أبعتبر كل من يلوم انه غبي
قالت على هونك توثق بالحزام = اثر المحبه بعض الأحيان اتهبي
لك هرجت الشايب وملماح الغلام = تواردت ما بين سمعي وكتبي
صفر الصحاري ما تجيب إلا الحيام = للجمه الي مانبا منها الجبي
قلت الصحراي لانبتت فل وخزام = من نبع صافي لا تواني واشربي
وليا تكدر جوها وأصبح عسام = خلك على وضح النقا لا تختبي
فهقت لك صدري وحزيت العظام = وثمنت لك قلبي تعالي وانهبي
هذي رساله شالها طير الحمام = فدوه لرمشك يابعد أمي وابي [/poem]
| التوقيع |
|
سبحان الله وبحمده سبحان الله العظيم |
|