رد: فكرة برج المليون رد .............!!!
هيّلي بنك واضمك في مجلسنا أكيد
مانباها بالطرافة وعلوم ٍ ميّتة
جيت ابمدح شيخ ضم المعاني والقصيد
واهتني مع هاجسي للمخيخ نويّته
احبك الزينات بحضور جزلة ماتحيد
زوّديني بالقوُى والذهب واوقيّته
له حسينات الوصايف مجاهيم الفريد
كّنها طابور جيش ٍ من أمريكيّته
لاتكلّم بالخطا من هو اللي مايفيد
فوقها نحمي بلدنا وُتقطع جيّته
لامشت في عرض والله تباها أو تريد
وإن هوت أو هرولت مانصت جاليّته
في بلاد المملكة في فيافيها تكيد
والله الحارس لها في المدن وقرّيته
كلنا قوم وبنادم وجا بلّك مُشيد
اعجبته العيس والراس له طاقيّته
في المزاين مانويناك والله الشهيد
جدّك يحوز المفاخر وله عانيّته
انقلوا مّني التهاني على الراي السديد
يمّها المخسار ماهو خطا ببليّته
الجمال معقلّة في الصحاري ياعنيد
كم تدرهم والرجل ماوصل دونيّته
رافع ٍ لإسم الهذيلي على الحيد ويجيد
في إنتقاء الغالية للهوى غاليّته
في تسعطشر سنة يحشد وظلّله حيد
منك (مشعل ) يمدح القرم في جاهيّته
يرحم الله الموّحد وعالَمنا جديد
فيه طيارات تغزوه في دونيّته
مير زفوّا بالحدا والمسيرة ماتبيد
تنذكر في وسط تاريخ له شرعيّته
حُمْرَها والسُود والا بقعدان الشديد
كل ناقة بالحراسة تكون مبيّته
مانبى النقاّد ماحازها ماهو المُجيد
حلْوَها لازرفلت فأرض أو جويّته
باللطافة ؟! تشعر البل ّ بإحساس البليد
كم تقاسم لإبن آدم في إنسانيّته
صُفهّا في الحوش والشبك متحكّم حديد
ماوصله اللص من ريب ولصوصيّته
عاش مالِكها نمر كم يجيب وكم يفيد
كّنه اللي يكرم الشعب من ماليّته
كم يصندِق لأجلها الماء وكم كم جاب فيد
لين قلّد عزوته مجد من فوقيّته
ارتقى نحو المعالي وكم كم جاب صيد
كرّم الضيفان واللي مسافر بيّته
وانتي اللي تسمعيني ليا زان النشيد
مير انا مشغول بإكرام قوم بجيّته
اقربي لين امدح القرم وابليسك طريد
دام هو مسلم ولم ّ الجمال بفيّته
إن جبَرْتي خاطري باصل البلبل غريد
والمطايا جمّلن قافي ّ وقافيّته
استبدّت تاكل العشب ترعى ماتهيد
كّنها جُملة مواتر غزت فرعيّته
ليتها ؟! في شارعي شف مواتركم هبيد
والعدو يبرك على الزور وانتف نيته
كان أوّقف تكسي جمال واصعد دوم ازيد
لانقص من هو يلّحن غثاء أوبريّته
لاتقافت كّنها طالعات من المسيد
تذكر الله في الفجر والصبح وأمسيّته
|