السلام عليكم
من قصائدي بين ايديكم اتمنى تنال رضاكم
يا الزمن ليه الليالـي ماضيـات
عن هنا ليلٍ و طالت في عنـاه
هي هواجيس الأماسي ساريـات
و الا طبع الليل يسرق مع طـواه
سامرت نفسي الهواجس طاريات
تطري للتفكير من طيـفٍ تـراه
و من مسا طاري تعلّمت امسيـات
للهوى تمسي و انا هاوي مساه
ليل تسبينـي عيـونٍ سابيـات
حلوةٍ احساسها الساحـر مُنـاه
جفنها الناعس حلاله ساميـات
ورمشها الدنيا معاليهـا فـداه
حُمرة الوجنـه ورودٍ زاهيـات
و ضاوي الخدين يجذبني ضواه
و الشفاة الجمر حلوه ضاويـات
في محيا نور و المبسـم سنـاه
أه. مـن قلـبٍ تمنـى امنيـات
و اللقا حلمه محـالٍ مـا لقـاه
ياالغضي ان الليالـي ماضيـات
و الغلا غايب و تايه عـن غـلاه؟
وسلامتكم