رد: فكرة برج المليون رد .............!!!
سلام يابرّاك شيخ الشغاميم
والله ياابو ساطي لك الذِكْر باقي
يامُكرم الضيفان ماتقبل الضيْم
ياحّظهم خُطّار بين الرواقي
والبُن ّ والهيل وسواليف تعليم
وتفيدك وتسرع بوقت السباقي
ذكرك طلع فهذيل ومطير وسُليْم
كل القبايل شاهدة في التلاقي
ماتترك الطاغي حشا والملازيم
ما ُتمهل الظالم خبيث النفاقي
مابه رجل يطلبك لو كان ملّيم
خيرك على ربعك ولا من لَحَاقي
بانت سواليفك ولافيه تعتيم
عاشت مواقيفك بكُل ّ النِطَاقي
ياصايد الظبيان والوعل والريم
للّي غَلَطْ شبّيْت نار احتراقي
الله يثيبك مابوقتك مظاليم
الاّ الزهيد بدنيته جا وحاقي
واردابه الشيطان بين المراجيم
مايُسعفونه لابسين الطواقي
يابن مزيد اخَصّك اليوم تسليم
من الجزيلة مانريد الفراقي
نبغاك تقعد ذِكْر رغم الملاطيم
تَسْري ليا العليا ولا لك بُرَاقي
الله يُكرمكم ومافيه تهويم
واللي نوى بالشر ّ مامعه واقي
وانته بشرع الله وللدين تحكيم
ولا اتبّعنا للنباح ونعاقي
حّنا رجال المجد للزرع تصريم
لكن ْ لاش ً ضَل ّ يهلك وضاقي
لكّن ّ انا بعزمك في روضة خريْم
واكرّمك واجي لكم باشياقي
ابنائك # اصحابي ولافوقنا غيْم
ترزم مراجلنا بكُل ّ ابتراقي
والرَد ّ فوْري ماورا القاف تلغيم
بل مثل قَطْر الغيث يهل السواقي
للطيّبات الحِلْ / للخُبث تحريم
والدين بيّن للحدود انتساقي
لا ُتردي الصَيْدة ولا تقطف النيم
في وسط مكة دارنا وش تلاقي
ياكود نور الله مافيه تعسيم
وطموحنا مُمتاز للكُل ّ راقي
|