رد: فكرة برج المليون رد .............!!!
منته مُسّجل فالدليل بخبالك
اثَرْك لافني ّ ولا انته بمشهور
بالله ياحامي اللحى مع سبالك
ليتك كذا في سكة الخير والنور
والله ودّي ياولد في اتصالك
دام انت غالي مايجي مّك قصور
وافي معانا في اليمين وشمالك
ماشلت لي راس العصا كان مشقور
عصاة موسى بطّلت سحر جالك
واخصّكم في دفتر ٍ كله عبور
ولا نزوّر في القصيد ومجالك
انت الكبير ووصف معناك بلّور
عيّة وطاح فعيّه وشهو جرالك
قم شيل بيتك في مسّرة ومكبور
من يسرق الحُجّاج ماناش مالك
لكن ْ سِرْقة فالمقابر على قبور
ما اصّلي خَلْف الحُرمة ياطيب فالك
ان كان شبّيت المعاني بدافور
دوّر لغير المعتصم في ضلالك
وانت اش تبابه واعرف النوع والدور
للعين حاجب وانت عشت بظلالك
قصايدك مثل السحابات بالدور
الله من فضله بيرفى خمالك
ويعالجك في حزّة الضيق وعسور
اسمع كلامي زين خلّه فبالك
والله احبّك من زمانين وشهور
قلبي ماهو فندق وعشت بمجالك
حارس على بناية ولك كل دستور
احذر من الجيران واحفظ عيالك
هذا الزمان امّا حريمك او بزور
لاترتبع بالكذب ياشين فالك
اللي يشّجع لك وفزاّع بالفور
مافي هذيل قصور واعقد حبالك
محد ٍ جحدكم لو مضى شهر عاشور
في كل قمّة راقية في جبالك
لابد مانوصل ولك خط مخشور
مع الاحّدّا لايزيد انشغالك
وان ْ رحت لام ّاسباع كُنْ نسل لنمور
جيته بصيف ولاهو مرباع حالك
واللي فَتَش ْ قاصي الدهاليز منكور
حّنا نبى نروى لكن ّ الظمالك
في شاطيء الخدعة وفي كذبة تمور
وان جبت بن شاكر شكر مستعالك
اصل انه ّ مُستهلك وانا اجددّ عصور
وافوق من فوق الكِسائي وهالك
واقبّل الكعبة ولي بيت معمور
لو كنت يالشبعان تقصد رمالك
لش ماتخاويني على نزهة بحور
يوم استوى جوّي وجو استوالك
ماهمّنا كُبْر الاسد والا صرصور
النفس عزاّمة على ايّة مهالك
ان كان توصل جنة الله والحور
معا رضا الرحمن بيّن حلالك
وكرّه حرامك في عيونك يامنصور
لي كسرة ونرجز ولي طرق شالك
مثل الجمل يلعب على القوم ويدور
يا ابو لهب والله مالي ومالك
ما اريد شرشورة ولاني لشرشور
اطلق شنب يوقف ولو هو احتمالك
يالقايد الشغموم نطّاح فصخور
يدّن ّ لك هاجوسي اللي يبالك
كل العسل صافي ولافيه مصرور
يا احمد رحمك الله قلبي صفالك
لكن ّ وش لك بالسلالم وماجور
اكيد لك جّنك شليويح قالك
ومطير ماهي تنقرض ُتنبت دهور
آخر تعديل شباب يوم 02-14-2013 في 08:26 AM.
|