من اجمل ماقرات للجزلة جنون
لولاك لولا ك ماهاضت قرايحنا
ولانظمنا اللآلي في مثانيهــــــــا
نبني بيوت(ن) جديدات(ن) تشرفنا
ابيوت عز"ن" رفيعه في مبانيها
غصنا البحر والمخاطر ماتهيبنـــا
واللي يروم النوايف يعتلي فيهــا
مرحوم ياللي طواريقك تهيضنـــا
وابياتك اللي معانيها تكفّيهــــــــــا
يامكسب الشعر لاعدّت مكاسبنــا
بنتك على نهجكم تبدع قوافيهــــا
لامن قرينا القصيد اللي يخاطبنــا
آقـــــول لبيه من قلبي وآثنيّهـــــــا
في مجمل النصح توصي في قرايبنا
وتحثنا في الصلاة اللي نؤديهـــــــا
كــــم مرّة لا تهاونّا تعاتبنـــــــــــــا
وتشن حرب النصايح لين نوحيهـــا
يامنهل الطيب وافعالك تشجّعنـــــــــا
من لابة"ن" يشهد الحاضر لماضيها
سليل قوم"ن" صواريم تنومسنـــــا
ليا ثارت العجة اتزعزع عزاويهـــا
مرحوم ياللي فراقك حيل متعبنـــــــا
لكن ذي حكمة المولـــى يمشيهـــــــا
يضحك لنا الوقت وانيابه تهددنــــــا
وبقعا سقتنا المراره قبل حاليهـــــــا
وسود الليالي بخبرتها تدرّسنــــــــا
ياليتها عـــلّمت وش في مطاويهـــا
يالغافل اللي تقول الوقت يمهلنــــــا!!
أغنم حياتك ونفسك لا تمنيهـــــــــــا
ابليس والنفس والأهواء تكبّلنـــــــــا
ثلاث من طاعها ماهوب قاويهـــــــا
متى على الله دنيانا تريحنـــــــــــــــا
وينكف مزن"ن" على الاهداب يسقيها
"