بسم الله الرحمن ياللي تكلم
انشدك لجل ايش أنت ماتفهم القول
إن كنت باقي حي وإلا تنسّم
أنا معك صاحي ولاني بمسطول
الله يعلم قلتها الله يعلم
لكن كلامك ياولد غير معقول
توك تحسّف مير ماأظن تغنم
أنت فيوم الحشر لاشك مسئول
بالشك يابن الناس ماأظن تلهم
أنته محصل سيف ساطي ومسلول
ارجع وراك اليوم مافيه مقسم
واليا احتميتم كلكم جاكم الدول
ياتلفزون الغش ياكيف تفهم
وين النصايح في شهر غير مفضول
مامنكم اللي سل سيف وتحزّم
ويقدّم الأسطول في وجه الأسطول
أنتم رضيتم بالذهب يامعلّم
وأتعبتم الأقدام في شي مقفول
لو دربك اخضر كان تقدر تنظّم
لكن الأغلب ساير بدرب مجهول
ماقول كود الله يلطف ويرحم
وجعل العمل في تالي العمر مقبول
ندخل جنان الخلد نهنا وننعم
ونحقق الآمال بالعرض والطول
الله لامنه نوى العبد كرّم
وأجزل له الخيرات والشك مفصول
لابارك الله في دجاج (ن) تليّم
على الظنون وكم مضى شعب مقتول
لكن عذاب الله يرعد ويرزم
على فلول الشرك طاغي ومهبول
في الاثم تتعاون وللخير تكتم
روحاتها جيّاتها كلها نزول
واحنا مع القران نكتب ونحكم
ماجيت أدوّر في جنيفك وبترول
يكفيني الرحمن رب (ن) تعظّم
أنزل كتاب الحق في قلب مرسول
محمد اللي هد الاصنام هدّم
بلغ وصابر وانتصر صدق لاحول
الا بربّي جل ربي عن الذم
تبارك الرحمن عن كل منقول