سلام الله عليكم من هجوسن عرفها يـزداد
وأنا الليلة معي رمح ومعي حربـا وجنبيـة
تهيض يالعصيمي وأعرف المصدار والميراد
تبى علم الهـوى لكـن غشتـك الهواويـة
مستور : -
ألا يا مرحبا بك يا مسلم والسيوف حداد
عسى سيفك وجنبيتك في علباك مثنيـة
احرفها و اصرفها و البسها ثياب جداد
لكن أنته تسريها مع الـدار الخلاويـه
السواط : -
تقول و تعتزي لكن لا يجمد عليك جماد
ورا ما تنتبه للداب الأسود و اخته الحية
تريح يا عميلي و اشرب الدله مع البراد
ترا ما كل رجالن يبجيب لنا الأماريـه
مستور : -
تحرص يالعتيبـي لا يبـان النقـد للنقـاد
بعد جيت الطبيب اللي يبا ينجضلك الكيـه
أنا مزهب لك البندق أنا لا زم لك المرصاد
يقولون العرب في الناجض الماهي كما النية
السواط : -
أنا عمك وأنا همك و لا ترتاح في المقعاد
و انا رجال أفندي ما خبرت الأ الأفندية
تراني محترص لابد لصياد الفهودي صاد
وتراكم كلكم في وسط جيبي يا لحراميـة
مستور : -
سمعت الأوله و العلم يا أبن العم ما ينعـاد
أنا ابنصحك وأنت أختار في هذي وهاذيه
ليا قلت لك عان الدرب تركبها بغير شداد
مرار تطيح في حفره و مر تطيح في ضيه
السواط : -
سمعت الأوله و الثانية ما ني غريب بلاد
و انا ماني حونشي لعن أبوكم يالحونشيه
أكبسها وألبسها وأملـي بطنهـا بالـزاد
وأفصل ثوبهـا ثـم ألحفهـا السديريـه
مستور : -
ترى هذي غريبة عندنا ما جالهـا نشـاد
على راسك توقـع قنبلتـك الهيدروكيـه
بغيتك تعرف المعروف يا حامد و يا حماد
يا أبو تكبير كيف تطير أنا لازمك بيديـه
السواط : -
أنا مابا أدعي بالزور لكن سدد الأقصاد
علاك ديون واجد وانت قدامك فداويـه
تعدل وأعتدل قدام لا نفرشك فالمجـلاد
تبا تعطي كرا ولا تبـا درب اليمانيـة
مستور : -
علومك يوم أفكر في علومك ما لها عداد
و لو حللتها ما هي بـمبيوعه و مشريه
سقى الله ديرة المياسه اللي جابها المقداد
وانا ماني براعي رعية ما هي بـمرعية
السواط : -
علومي ثابته ماني سواتك مخلف الميعـاد
تعرف الزيدي اللي ظاهرن من بطن زيديه
ليا منك بنيت الجدر ماني للجـدر هـداد
ما حدك للمشاكل يا عتيبي مـن عتيبيـة
مستور : -
صحيح أنك من زيود اليمن و أعجل على المعواد
يقولون العرب مـا عصبـت راسـك عتيبيـة
أنا عمك ليا طال النهـار وسـار قـدح زنـاد
بعد ضيعتها مـا بيـن حـر الشمـس و الفيـه
السواط : -
أنا جدي عتيبي تعرفه غصبا عن الحساد
عساك بقنبلة تحرقك يا شيخ الحسوديـه
ليا شبيت نارك جالها الهمال و الرعـاد
يطفي ضو نارك ثم تسكب دمعك شويـه