رد: فكرة برج المليون رد .............!!!
سلام يامحسن كسبت الصعايب
وتحلّي ابياتك بكثر الترابط
والله رجل نشمي بوقت الطلايب
منته مع الشعّار دايم تعابط
نبع المعاني // والخصوم بنصايب
وسط المقابر دوّروا اي وارِط
ياسُكّرة يازُبد منته بذايب
ابوك شاعر وانت سيف ومشارِط
لامن نطقت انته // ماجاك ايْ عايب
لاّنك على معناك ( رايد وظابط )
والله غافر لك // ولو ابن ثايب
يحسب سمنته // والمباكي بحايط
يالمُسلِم اللي ّ في الطلب منت غايب
ضد الحَنش وافعاه يهل الرواقِط
عَطاك شِعرَك من منحك الوهايب
منته طَرَف ْ // أو هامش ٍ شِبْه ساقِط
ابوك علّابك // وفِزت بقرايب
تُجّار ماهم ساحبين المباسِط
زهدت في الدنيا // وابو حظ ّ خايِب
مايقترِب مِنْك // وحفظت الخرايط
ياورع // ياشيخ ٍ // ورجْل ٍ // وشايب
يغفر لكم ربّي الودود اللي باسِط
للكَف // من شان المُسيء اللي ّ تايب
لله في نص الليل للذنب حاطِط ْ
جل ّ الله القدّوس يهل الغرايب
وتسّمي نفسك باللي ّ سّب ْ وتهايط
وختامها ياللي ّ تشن ّ الحرايب
اسلِم إلى الله لاتكون انت قانِط
|