رد: فكرة برج المليون رد .............!!!
شباب
سلامي يامتعب علاكم .... ردية ٍ مني كبيرة
أكبر من طويق وتهامة ... وأكبر من جبال السراتي
أنت مضرّى بالجزالة ..... بين الوجيه اللي سفيرة
دايم تجيب ابيوت ماهي ...... مثل البيوت الثانياتي
متعب
يامرحباء ويالله عساكم فالاولة ماهيب اخيره
ترحيب عالي في مقامه يشد الطيور الطايراتي
وانته مضراء بالشكاله لاصارت الدعواء عسيرة
وفرايدك دايم تضاهي سيف الهلالي والزناتي
شباب
انت موّفي في وفاكم لكن وقفتنا خطيرة
منت محصل لك سلامة ساعة نودي الواجباتي
ياماازين دروب الرجالة بين الطويلة والقصيرة
اقلط على فنجال شاهي واحنا نحل المعضلاتي
متعب
لاخيب الله في رجاكم مير اليالي مستديره
لو يكفخ جناح الحمامه يهوي قبال الكاسراتي
يامزين دروب السهاله يالي تحثون المسيره
مير استريحو ف/ المقاهي حتى تجيدون اللغاتي
شباب
النجم يلمع في سماكم دايم ليالينا منيرة
لكن يازرقا اليمامة خل النظر للقادماتي
يامتعب وكلا بفاله الشيك قلي وش مصيره
لاتكون يارجال ساهي بين الصفوف الصاحياتي
|