متعب
سلام تسليمه لها خفين ومتون وجناح
لاشافت الرجال تربعبه وترمح وتهبد
ياشاعر هذيل الوعد من بيننا نور الصباح
23 من شعبان في يوم الاحد
شباب
يامرحبا ترحيبة ٍ والقوم قاموا بالسلاح
كل ٍ يدور لك وجوك فيه براق ورعد
حنا على الغبة ولاينفع لكم كثر الصياح
23 من شعبان حنا في الوعد
متعب
يوم اجتمعتو فالبهيته من بعد زاد النياح
يهذيل دعواكم بسيطه والعتيبي مستعد
ياعسكر البارود لاصرتو من ارجال الصلاح
عيذو من ابليس الرجيم. الدار صكه معتمد
شباب
يوم اجتمعنا في البهيتة طاح راس ابليس طاح
والا البنادق في يدينا لاسوات اللي رقد
كل الجرايم هينة ياكود حمل ٍ بالسفاح
وام الكباير جالها مولود ماسمت ولد
متعب
انتم تدفون المشاكل والهدف مامن نجاح
والا الحقيقه يارجال هذيل مافيكم جهد
وان كان طولتو نبا نعطيكم السم الذحاح
من مزنة ربانها يهمل عليكم بالبرد
شباب
ترى المشاكل ماتجي ياكود بيدين الشحاح
والبيت مايبنى بدون الساس وبدون العمد
لايالعتيبي وانتبه تشتالكم هوج الرياح
واحنا صبرنا للمصاعب وانت في عينك رمد