::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

03-06-2014, 04:05 AM

من القلب الى القلب

ياهاجسي للقاف يدفعني الــــشوق
ولي عــلى جزل القصيد اشتياقـــي

اغـــيب مـن صكات الايام وافــــــوق
واقـــصر عن ادروب المناقيد ساقــي

والرزق عــند الله ماهو عــند مخلوق
تفــنا العباد ومالك الملك باقـــــــــي

وسلعة الله خير من سلعة الســوق
لـــي شدة الايام والــصدر ضاقـــــي

ولا كــل طــاروقاً اسمــيه طـــــاروق
والكلــمه الـــي سامطه ماتذاقـــي

اسمع ياوافــي علــم مصدره موثوق
ما كل كلمه فـــي المجالس تساقي

ارقـــا سنود وخل لك نــضرتاً فــــوق
وخــل لك منطــق ومنطــوق راقـــي

لاتنخدع مــاكــل مطــرود ملحـــــوق
لو صــح ســرنا كلنا في سباقـــــي

افكـــار خلق الله ترا بينها افــــــروق
ولا تحصــل في العقـــول اتفاقــــي

الصـــدر خلــه للامانات صــــــندوق
لا تسمع اصحاب الفــتن والنفاقــي

راعــــي النميمه بالفتن رافع البوق
عادة غراب البين راعي نعــاقــــــي

جنب ولا تتبــع هل الكذب والبـــوق
ومـــيز علومــك جلــها والدقاقــــي

وصحبة الرخمه كما ثوب مشقوق
لافيه ستر ولا مــن الـــبرد واقــي

الــيا تصدا لك من الناس مطفوق
سوقه كما سوق البدو لنياقــــي

ربعك لهم عندك مواجيب واحقوق
خلك على ربعك سوات الرواقــي

راعي الوفا رجع له الطاق مطبوق
حــذرا تحــمل حملتاً ماتطاقـــــي

سابق لفعل الخير لاتسيرمسبوق
وحذراك تسعا بالفتن والفراقـــــي

وسلامتكم