يابنات الفكر من جزل المعاني اقطفي = وانثري طيب المعاني مثل نو المخيل
في مدح اللابه اللي علمها دايم وفي = اللابه اللي دلها لكل القبايل دليل
المطرفي وأنا أعنا الشلياني المطرفي = والمطرفي يكفيه انه من سلايل هذيل
من غير قل في الرجال وياقيفان انصفي = كل منهو في دار المرجله والعز نزيل
كل طيب محتوينه والردى ينفى نفي = والمطرفي لامايعود دون حقه مستحيل
الشجاعه سلمنا والعرف ماهو شئ خفي = نصدر المعنى القوي والهزل خله للهزيل
لاشبت شمس الحرايب وعيا ضوها يطفي = انخا الشلياني ثم ابشر بالظل الظليل
يوم ان ولد اللاش عينيه في الشده تغفي = المطرفي أبدا عيونه في اللوازم ماتميل
وانهي قصيدي واختمه ببيت شعر واكتفي = يوم اني في مدحهم كل الجزايل تسيل
مطرفي شلياني وافخر بأني مطرفي = يالعزوه اللي محزمي نهار يشب الفتيل