مشاركة الشاعر / شاهر الكعبي الهذلي .عند قبيلة مطير
[poem=font=",6,seagreen,bold,normal" bkcolor="white" bkimage="http://www.hothle.com/vb/mwaextraedit4/backgrounds/4.gif" border="groove,4,skyblue" type=0 line=0 align=center use=ex num="0,black""]
تزاحم الفرسان من قبل العصر=فـ نهاية اول شهر من راس السنه
على شرف راعي المقام المعتبر=اللي عنت له من جميع الامكنه
مخلد سليل المجد جلاي الكدر=جبار عثرات الدريك ومزبنه
جوايزه من خير حسكات الوبر=ماهو مسويها فَشار ووجهنه
استنقذ الموروث من فك الدهر=من قبل يطويه الزمان ويدفنه
نظم لها مركاض والكل ادهر=تجري حوافرها وهي متطمنه
كنك بنور الصبح لعطتك النحر=اصايلاً ماهي خيول مهجنه
اليا استوى خيالها فوق الظهر=كن الكواكب فالعيون اقرب منه
اتطوف بالمضمار في لمح البصر=عن نظرة اعيون الحسود محصنه
لا مرت الجمهور واعطاها النظر=كنه تعاطى له حبوب امسكنه
شاف التراكيب الجميله وانبهر=لاترمش الاعين ولاتحكي السنه
كن الفنس بوجيهها دولة قطر=واخدودها تشبه حدودالسلطنه
على حوافرها علامات الخطر=ماتحتها الا ضو نيره وادخِنه
واقيونها قوه وميل ومنحدر=ورقابها عند الفنش متفرعنه
واللي يبا نص الكلام المختصر=الخيل ماهي الكل واحد ممكنه
مايمتلكها الا مضوين الظفر=اللي توارثها طوال الازمنه
اسعارها ناراً تلهم فالشجر=مانزلوها وسط سوق الهينه
لو السروج اتجي ع ظهور البقر =اتساوت اسعار البقر والاحصنه
لكنها فسطبل حمران النظر=امعززه ومكرمه ومثمنه
امطير قوم المرجله وهل السطر=امن البحر لين الخليج مهيمنه
وانا من الهذلان تيجان الفخر=مدينة الشعر الجزيل وموطنه
وان عودت للخيل يشهد من حضر=خذنا جوايز قـيمات ومـعلـنه
وهذيل والمطران تجمعها مضر=اللي على مر الدهر متسلطنه
اقولهامن دون قاصر فالبشر=كل القبايل بالفعل متمكنه[/poem]
شاهر الكعبي الهذلي
آخر تعديل صالح الكعبي يوم 11-22-2014 في 11:48 AM.
|