شفت الامين وشفت خاين مباديه
شفت الامين وشفت خاين مباديه
..............................................
اشره على من يعتنـي بالمشاريـه = وممشاه ممشى طيبين الرجالـي
قـرمً ليّـا سـن الوعـد يعتـنـي فـيـه = يقـدم علـى كـل غانمـه مـا يبالـي
وكلمة نعـم تنقـال وان حـل طاريـه = تقولـهـا الاجـنــاب قـبــل الـمـوالـي
كـفـوً لـهـا والـنـاس تـمـدح مبـاديـه = رجلً احبـال الطيـب عنـده اطوالـي
امـا الـردي مالـي بقربـه ولا ابغـيـه = ولو كان محسوبً من الناس خالي
ولـو كـان عـمً قلـت مانـي بناخـيـه = انكلـرت عرفـه لـو اشـوفـه اقبـالـي
مابـيـه انــا ربــي يبـعّـد مشـاحـيـه = جعلـه جنـوب ومنزلـي بالشمـالـي
اللي يحـط المصلحـه وسـط عينيـه = لاشـك انـا مـا ابـيـه هــذا مُحـالـي
اول يجي من دون ماكنت انا ادعيه = والـيـوم عـنــي شـــح بالاتـصـالـي
تـغـيــرت مـذاهـبــه قــــلّ والــيـــه = ويظـهـر غــواه ابلـيـس اول وتـالـي
شفته عطاني شين مقرن علابيـه = مقفا ضبـع فـي مظـلمـات الليـالـي
اقـفــا ويـتـلـنـه صـغـايــر حـصـانـيـه = ومعـه الكـلاب اللـي تـهـز الذيـالـي
ابشــكـر احـداث الزمـن مـع طواريـه = اللـي بهـا شفنـا جميـع الشكالـي
شفت الامين وشفت خاين مباديه = وفـرقـت انـا حيرانهـا مـن الجمـالـي
والـحــر الاشـقــر بـيـنـاتً مــواريــه = صيـده سمـيـن ومـاكـره بالمعـالـي
والبوم ما يخفى عن الناس ماضيـه = وسـط الخرايـب يسكـن ولا يـزالـي
صعـبً يغيّـر منهـجـه مــع هقـاويـه = لـنــه قـبـيـح ولا لـقـبـحـه زوالــــي
حيث الردا من قمة الـراس كاسيـه = لين اسفل الاقدام في كـل حـالـي
هـذا ومـن مثـلـه فـلانـي امخـاويـه = لــن الخـسـاره والـنــدم فالـتـوالـي
والله يـكـافـيــنــي أذاه وبــــلاويــــه = هذا ان حضر وان غـاب ياهمــلالـي
محمـــد بـن ســـوعــان الربيّـــع
الســبت 1 / 8 / 2015 م
|