رد: فكرة برج المليون رد .............!!!
من ما كتب الشاعر مستور العصيمي
سلام مني عد ّ مايطلع النور
وإعداد ماتمطر من الغيث غيمة
سلام من شاعر محنك ودكتور
دكتور في بدع اللحن والوسيمة
ياناس فكري يطرب أمواج وبحور
ويدفني بين البحور الطميمة
يابن فهد يامحكم الراي والشور
حكيم من روس الرجال الحكيمة
عد ّ الروى يصلونه ورود وصدور
يروي الكبود الظاميات المحيمة
له مع رجال المعرفه والكرم دور
الأصل طيب والمواقف عظيمة
يامير لك في مهجتي قصر معمور
من دونكم ماأشوف للعمر قيمة
وإخلاصنا من ماضي الوقت مخبور
مخبور من ماضي العصور القديمة
يامير أنا من فعل الأنذال مقهور
تحريفهم للقول أحسّه جريمة
سمعت بين الأجهزة علم منكور
مايفعله من فيه غيرة وشيمة
محرّفين الصدق بالكذب والزور
أهل الحكايا والحَقد والنميمة
يقولون شوفوا وإسمعوا قول مستور
وهي علي من الظلايم ظليمة
أحلف وأنا ماني على الحِلْف مجبور
إني ّ لكم مخلص بنيّة سليمة
ياعل من خلفك في جنة الحور
في جنة الفردوس ينعم نعيمه
آخر تعديل شباب يوم 02-19-2022 في 06:49 PM.
|