::{ مجالس قبيلة هذيل }:: موقع يهتم بتراث القبيلة ومفاخرها - عرض مشاركة واحدة

11-29-2007, 09:05 PM

[poem=font="Arial,5,#00008b,normal,normal" bkcolor="" bkimage="" border="none,1," type=1 line=1 align=center use=ex num="0,"]
تعبت ياتاريخ من تدوين مجد الأولين = الأولين اهذيل قوم العز والمجد الأبي
أعذرك ياتاريخ لو مرت بك اسنين وسنين = لكن مالك عذر لو ماتذكر اصحاب النبي
ابسألك ماتذكر الفرسان في بدر وحنين = والراية اللي وصلت اوروبا من أرض المغربي
أحـفادهم حنا ولازلنا رجال مخــلصين = إهذيل يكفينا فخر قرب النبي اليعرُبي
جيران بيت الله وهذا فضل رب العالمين = وجبالنا من دون مكة ماوطاها الأجنبي
واليوم لاقلنا هذيل الصعب والقاسي يلين = روس الرجال اللي تسد الباب والخصم يهبي
أربع لنا محد(ن) وصلها لو تزين ولو تشين = إموثقة تبدي كما نور القمر مايختبي
الأوله حنا هل البارود والعلم السمين = لاقيل من للحرب قول هذيل عِلي واشربي
من ينتخي بهذيل يبشر بالسعد في كل حين = قوم توصي الشبل بالأمجاد قدام يحبي
والثاني الهذلان مايدخل نسبهم داخلين = يعني على قول المثل يانار شبي والهبي
أنسابنا مثل الذهب عند الرجال العارفين = الرجل منا يفتخر لاقال هذا منسبي
والثالثة حنا هل الشعر إن حكينا صادقين = والجاهل اللي ماقرا التاريخ قولو له غبي
نارد على بحر الشعر غصباً عن المستشعرين = نعز شانه ماندور فيه ربح ومكسبي
والرابعة ننصف ولو مافيه ناسٍ منصفين = حكمة هذيل وعرفها لاقالوا اخوان الصبي
يعني هذيل ولاقصورٍ في رجال مقدرين = المرجلة بين العرب كلٍ بياخذ مايبي
ويالله انا طالبك وفقنا على دنيا ودين = وانك تثبتنا على طاعتك هذا مطلبي[/poem]

مشعـــــل الهذلــــــي