رد: معـركة الصـريف
بعض من قصيدة عبدالعزيز بن عيد المطرفي الهذلي راع البره الملقب بالعزي والموالي في الصريف لابن رشيد ضد الامام عبدالرحمن والشيخ مبارك الصباح والتي رد عليها الشيخ الشاعر ناصر العريني امام جامع العلب من قرى الدرعيه بالعارض رحمهم الله
يامزنة غـرا نشـت مـن مغيبـه ترعد وتبرق ساقها رب الاربـاب
ترمي السخط قيدة على من تصيبه باركانها تسمع كما ضرب الاطواب
همت ودمـت وادلهمـت غضيبـه واستثقلت باللي لـلارواح جـذاب
تبغي الحريب اللي دنا من حريبـه ابن صباح اللي تعرض للاسبـاب
من كل غـواص وسيـب يجيبـه وباللي يحدقون السمك رام حـراب
وعريب دار وكل من يلتجـي بـه وراع النفاق ومارج الدين ماغـاب
وجموعه العجمان واللـي حضيبـه مع الدويـش 00000 والاجنـاب
والمنتفـق وابـن شريـم ونسيبـه وسكانـة النقره وسالـم وغصـاب
حل المناخ اللي عليهـم دعـي بـه من ديرته يحداه جـلاب الاجـلاب
والله ماصـده عـن الـدار هيبـه مير انهـم ياتايـه الـراي جنـاب
لاحلت البلـوى علـى مـن بليبـه ينفك للمبلي مـن الله ميـة بـاب
عنده نزل حوض المنيـه طليبـه عوق الحريب اللي الى زار ماهاب
سير عليهـم بالجمـوع الصليبـه جيشه مع المسوق يحاديـه الاداب
ثار الدخن والعـج وانقـاد سيبـه والشمس عنهم كنها تقـل بحجـاب
يذكر لنا فرز الوغى شـق جيبـه والذخر حرم عقب جدع للاسـلاب
ياذيب سفوه نـاد ذيـب الزريبـه واجذب من السلمان للجوف وابواب
وباقي السباع الغايبه وين هي بـه اقنب لها ياذيب في كـل مرقـاب
ولاتفرس الا كل بيضـاء تريبـه وافرس مشاكيل وزلبات وركـاب
الحاكم اللي بالمنـى ورا صحيبـه ماعاد يطلع بيرقه من وراء البـاب
حتى لذيذ النـوم مـا يهتنـي بـه بالليل زامـات ورا بابـه ابـواب
السيل ماينـزل مجـاري شعيبـه ولاينزل الوادي الى صار محنـاب
لاتامـن الدنيـا ولا ترتهـي بـه تصفي وتعطي عقب الاقبال عرقاب
ان ادبرت قصت محوص قصيبـه وان اقبلت ادنى شريط لهـا جـاب
وانتم سالمين وغانمين والسلام
| التوقيع |
|
|
|