محاوره بين /شاعر الخليج و شاعر هذيل
هذه المحاوره بين الشاعرين /شاعر الخليج فيصل الرياحي و شاعر هذيل محمد المسعودي ليله البارح في مكه في قاعه الشموخ
محمد المسعودي:
عدّ من زار بيت الله وهلّل وكبر
مرحبا في هذى الليله وكـل ليلـه
أكثر الناس يدفع حيلته ويتصبّر
والرياحي ليا جوه يتحيّل بحيلـه
فيصل الرياحي:
عدّ من حرك هجوس المشاعر وعبّر
البقـا ياهـل النامـوس واهـل الجميلـه
الله أكبـر مـن الـلـي فالحـيـاة يتكـبّـر
كـل عاقـل يابـن مسعـود عقلـه دليلـه
محمد:
القضيه سنين طـوال وليالـي وأشهـر
وأنت لامنك يـاس ولا قريـب العقيلـه
يوم راس السراه ويوم فالبحر الاحمر
الزعـيـم الاصـيـل القـايـد الله وكيـلـه
فيصل:
فيه يومٍ من الايام يالحـر الاشقـر
فرصةٍ للعميل اللـي يـدور عميلـه
لا تعذّر وأنا عن واجبي مااتعـذّر
قالوا الناس مابه حاجة ٍ مستحيله
محمد:
الـكـريـم يتـجـمّـل والبـخـيـل يتـسـتّـر
مابقي غيـر قـدح الزنـد راس الفتيلـه
رحت يم السحاب اللي له سنين يمطر
كـن ّ مالـك بنـي عـم وخـوال وقبيـلـه
فيصل:
إقبـل العلـم الاول واقتنـع بالمـقـدّر
أنت مربوط سلكك فالسلوك الجليله
كيف تقدر تعدّي فالجبل كيف تقدر
لـو خذينـاك معنـا جيتنـا بالفشيـلـه
محمد:
يالرياحي عآينت العلـم الأول تغيّـر
تعبت الرجل تعبت والمسافه طويله
أنت ما انته لحالك فالقضيّـه مخيّـر
لي معك وقفة تبري الكبود العليلـه
فيصل:
ماتغـيّـر ولا حـاجـه لـكـن انـتــه أقـشــر
لاتـدبّــر مـــع الـعـالـم ولا فـيــك حـيـلـه
وش نسوّي براع الضان والبيت الاسمر
شـاويٍ مايـجـي ربـعـه ولا أحــدٍ يجيـلـه
محمد:
اختصرت الحساب وعملتي عندك أكثر
حاول تقارب الحسبات باطرف وسيلـه
يـاولـيـد الـبـقــوم ويـاحـديــدٍ لـشـمّــر
فيه يومٍ يهزّ الضلـع مـن ركـض خيلـه
فيصل:
فالك البنّ ماقهويك بالشاي الاخضر
واعتبرها هديّـه مـن زميـل لزميلـه
وش علينا لـو الدنيـا باهلهـا تفجّـر
روس خنذف ولا معنـا قلـوب ذليلـه
محمد:
ليّ حقٍ على يمنـاي ماهـو بالايسـر
والرياحي ما ابـا هيلـه ولا زنجبيلـه
مار صبرك شويّه كل من عاش خبّر
شالك السيل دام إنك نزلـت بمسيلـه
فيصل:
أنت طير ليا شـاف البنـادق تحـذّر
يني العش مابين الغصون الضليله
وديّ إنـك تعـلّـم فالحـيـاه وتـطـوّر
ثم أحطك دوى فوق القلوب العليله
| التوقيع |
|
|
|